Bügin «Kazakh Tourism» wlttıq kompaniyasınıñ wyımdastıruımen «Wlı dala eline sayahat» jobası bastaldı. Ekspediciya Sarıarqa bağıtı boyınşa jürip, 4 qırküyekke deyin sozıladı. Barlığı 16 kün işinde ekspediciya müşeleri Aqmola, Pavlodar, Qarağandı jäne Soltüstik Qazaqstan oblıstarınıñ eñ qızıqtı jerlerimen tanısadı.

Atalğan ekspediciya qwramında sayahatşılar, televiziya jurnalisteri, şeteldik jäne qazaqstandıq trevel-blogerler bar.  Joba elimizdegi eñ mañızdı turistik klasterlerdi, sonday-aq Qazaqstannıñ on bir oblısı boyınşa altı bağıttı qamtidı: « «Tyan'-Şan' marjandarı», «Altay – örkeniet besigi», «Jetisu Alatauı», «Sarıarqa», «Teñizden teñizge deyin» jäne «Jaña Jibek jolı». Soñğı bağıtta qazaqstandıq qatısuşılarğa "National Geographic" Resey telearnasınıñ tobı da qosılamaq.

Jobağa qatısuşılar «Bwyratau» memlekettik wlttıq tabiği sayabağınan bastap, Pavlodar oblısındağı Bayanauıl wlttıq sayabağına, Qarqaralı, Kökşetau memlekettik wlttıq tabiği sayabaqtarına jäne Qorğaljın memlekettik tabiği qorığına sayahat jasaydı. Elimizdiñ körneki jerleri men tarihi nısandarımen tanısu barısında sayahatşılar barlığı 4595 şaqırım jol jürip ötedi. Joğarıda atalğan bağıttar işki jäne sırtqı turizmdi meylinşe köp qamtu esebimen jüzege asıp otır. «Wlı dala eline sayahat» jobasınıñ qorıtındısı retinde turizm damuınıñ deñgeyi men mäseleleri talqılanadı.

"The Qazaq Times"