Kölik reformaları ayasında Oñtüstik astananıñ qoğamdıq kölikterin jañartu jwmıstarı jalğasuda. Almatı qalasınıñ äkimşiligi osı jıldıñ soñına deyin qoğamdıq kölikterdi 80%-ğa deyin jañartudı josparlauda, - dep habarlaydı  qala äkimşiliginiñ baspasöz qızmeti.

Büginde qalada barlığı  1560 avtobus bar eken. Jıl ayağına deyin qala äkimşiligi jaña qoğamdıq kölikterdiñ ülesin 80% deyin jetkizudi josparlap otır.

Eske salsaq, eger ötken jılı 479 avtobus şıqqan bolsa, onıñ 80% jergilikti byudjetten satıp alınğan, al biılğı jılı 569 avtobustı jetkizu josparlansa, onıñ 65% -ı jeke kompaniyalardan.

Jeke tasımaldauşı «Duman Trans» JŞS-nan №17 bağıt boyınşa ISUZU markasındağı 15 avtobus şığarılsa, «Oljas LTD» JŞS-nan №62 bağıtta qızmet körsetu üşin osığan wqsas markadağı avtobustar satıp alındı. «Talap T» JŞS-nan №57 bağıttı küşeytu üşin Yutong markalı bes jaña avtobus alındı.

«Biz üşin eñ bastısı – qızmet sapası. Biz qalalıqtardıñ ıqılasın tolığımen bağdarlaymız. Bwl salıq töleuşilerdiñ aqşası, biz ärbir teñgeni sanauımız kerek. Jaqsı qızmet körsetiledi: adamdar razı, jaña äri taza avtobustar, jürgizuşiler mädenietti. Demek, biz subsidiya bölip otıramız. Qanday da bir belgi orındalmasa – aqşanı keri alıp qoyamız.

Üş jıl bwrın jeke kompaniyalarmen jeke qarajatın senimdi investiciyalauğa mümkindik beretin kölik reformasın bastadıq jäne aşıq jüye qwrdıq. Biz basında tasımaldauşılarğa – zañdastırıñdar, kiris jäne şığıstarıñdı körsetiñder dep aytqan bolatınbız. Mine qazir, mısalğa «Duman Trans» kompaniyası elektrondıq bilettendiru jüyesiniñ arqasında öz qarajattarın salıp, bankten 50% alıp otır. Bank eşqaşan anıq emes biznestiñ damuına aqşa bermes edi», - dep körsetti qala äkimi Bauırjan Baybek.

“The Qazaq Times”