كولىك رەفورمالارى اياسىندا وڭتۇستىك استانانىڭ قوعامدىق كولىكتەرىن جاڭارتۋ جۇمىستارى جالعاسۋدا. الماتى قالاسىنىڭ اكىمشىلىگى وسى جىلدىڭ سوڭىنا دەيىن قوعامدىق كولىكتەردى 80%-عا دەيىن جاڭارتۋدى جوسپارلاۋدا، - دەپ حابارلايدى  قالا اكىمشىلىگىنىڭ ءباسپاسوز قىزمەتى.

بۇگىندە قالادا بارلىعى  1560 اۆتوبۋس بار ەكەن. جىل اياعىنا دەيىن قالا اكىمشىلىگى جاڭا قوعامدىق كولىكتەردىڭ ۇلەسىن 80% دەيىن جەتكىزۋدى جوسپارلاپ وتىر.

ەسكە سالساق، ەگەر وتكەن جىلى 479 اۆتوبۋس شىققان بولسا، ونىڭ 80% جەرگىلىكتى بيۋدجەتتەن ساتىپ الىنعان، ال بيىلعى جىلى 569 اۆتوبۋستى جەتكىزۋ جوسپارلانسا، ونىڭ 65% -ى جەكە كومپانيالاردان.

جەكە تاسىمالداۋشى «دۋمان ترانس» جشس-نان №17 باعىت بويىنشا ISUZU ماركاسىنداعى 15 اۆتوبۋس شىعارىلسا، «ولجاس لتد» جشس-نان №62 باعىتتا قىزمەت كورسەتۋ ءۇشىن وسىعان ۇقساس ماركاداعى اۆتوبۋستار ساتىپ الىندى. «تالاپ ت» جشس-نان №57 باعىتتى كۇشەيتۋ ءۇشىن Yutong ماركالى بەس جاڭا اۆتوبۋس الىندى.

«ءبىز ءۇشىن ەڭ باستىسى – قىزمەت ساپاسى. ءبىز قالالىقتاردىڭ ىقىلاسىن تولىعىمەن باعدارلايمىز. بۇل سالىق تولەۋشىلەردىڭ اقشاسى، ءبىز ءاربىر تەڭگەنى ساناۋىمىز كەرەك. جاقسى قىزمەت كورسەتىلەدى: ادامدار رازى، جاڭا ءارى تازا اۆتوبۋستار، جۇرگىزۋشىلەر مادەنيەتتى. دەمەك، ءبىز سۋبسيديا ءبولىپ وتىرامىز. قانداي دا ءبىر بەلگى ورىندالماسا – اقشانى كەرى الىپ قويامىز.

ءۇش جىل بۇرىن جەكە كومپانيالارمەن جەكە قاراجاتىن سەنىمدى ينۆەستيتسيالاۋعا مۇمكىندىك بەرەتىن كولىك رەفورماسىن باستادىق جانە اشىق جۇيە قۇردىق. ءبىز باسىندا تاسىمالداۋشىلارعا – زاڭداستىرىڭدار، كىرىس جانە شىعىستارىڭدى كورسەتىڭدەر دەپ ايتقان بولاتىنبىز. مىنە قازىر، مىسالعا «دۋمان ترانس» كومپانياسى ەلەكتروندىق بيلەتتەندىرۋ جۇيەسىنىڭ ارقاسىندا ءوز قاراجاتتارىن سالىپ، بانكتەن 50% الىپ وتىر. بانك ەشقاشان انىق ەمەس بيزنەستىڭ دامۋىنا اقشا بەرمەس ەدى»، - دەپ كورسەتتى قالا اكىمى باۋىرجان بايبەك.

“The Qazaq Times”