WBT tapsıru kezinde tülekterdiñ 85% şekti deñgeyden ötti, bwl turalı QR Bilim jäne ğılım ministrli Erlan Sağadiev  Prem'er-Ministri Baqıtjan Sağıntaevtıñ törağalığımen ötken Ükimet otırısında bayandadı.

E.Sağadievtiñ aytuınşa, 2004 jıldan bastap ötkizilip kelgen  keşendi testileuge biıl 15 jıl. Osı aralıqta WBT-ğa 1,775 mln mektep bitiruşi qatıstı. Bwl barlıq tülekterdiñ 80%-ın qwraydı. 2017 jılğa deyin WBT eki funkciyanı atqardı: mekteptegi oqudı ayaqtaytın qorıtındı emtihan jäne joğarı oqu orındarına tüsu emtihanı.

2017 jıldan bastap «Altın belgi» mektepte berilip keledi. Osı jılı «Altın belgi» iegerleriniñ sanı 6800 adamnan astı.

Biıl WBT-ğa qatısuğa 100 mıñnan astam tülek ötiniş berdi. Olardıñ işinde 75% — qazaq tilinde 25% — orıs tilinde. Säykesinşe, komissiyanıñ şeşimimen jalpı granttardıñ 75% qazaq tilinde jäne 25% orıs tilinde bilim aluğa bölindi.

WBT-ğa 98 mıñnan astam adam qatıstı. Nätijesi boyınşa ortaşa ball — 83. Ötken jılı bwl körsetkiş 80,5 baldı qwradı. Şekti deñgeyden 84 mıñ bitiruşi, yağni qatısuşılardıñ 85% ötti.

Testileu kezinde 30 mıñnan astam test tapsırmaları paydalanıldı. 243 apellyaciyalıq ötiniş tüsip, onıñ işinde 101 ötiniş qanağattandırıldı.

Arnayı Respublikalıq ştab qwrılıp, qwramına Bilim jäne ğılım, Densaulıq saqtau, İşki ister ministrlikteriniñ ökilderi kirdi.

Sonday-aq, WBT-ğa erekşe bilim beru qajettiligi bar 51 tülek qatıstı. Olarğa jeke auditoriya berildi, kömekşiler, sonday-aq ımdau tilin biletin mamandar kömek körsetti.

«Osı jılı testileu barısında 82 mıñnan astam tıyım salınğan zattar, onıñ işinde 54 mıñnan astam wyalı telefon, router, modem sekildi jäne 28 mıñnan astam qağaz türindegi zattar tabıldı. Mwnday faktiler jıl sayın kezdesip otıradı. Bwl bağıttağı baqılaudı äri qaray da küşeytetin bolamız», — dep mälimdedi E. Sağadiev.

WBT ötkizu kezinde 1200 auditoriya qoldanılıp, olardıñ 90% onlayn-taratılımmen qamtamasız etildi. Bwl körsetkiş ötken jılmen salıstırğanda üş esege östi. Sonday-aq, WBT ötkizu kezinde ortalıqtar 4G standarttı baylanıs signaldarın basatın qwraldarmen, metall izdegiştermen tolığımen qamtamasız etildi.

Sonımen qatar, jergilikti atqaruşı organdar WBT ötkizu ortalıqtarında tamaqtandıru jäne ata-analar üşin kütu orındarın, auıldan kelgen tülekter üşin kölikti qamtamasız etti, sonday-aq, medicina qızmetkerleri test ötkizu ornında kezekşilik etti.

Keşendi testileuge  kelsek, ol 14–18 şilde aralığında 48 JOO bazasında ötkizildi. KT-ğa qatısuğa 45 mıñnan astam adam ötiniş berip, 42 700 adam nemese ötiniş bergenderdiñ 93,2% qatıstı. Jalpı şekti deñgeyden qatısqandardıñ 56,4% ötti. «Biıl memlekettik bilim granttarına qosımşa jergilikti atqaruşı organdar esebinen 2700-ge juıq grant bölinip otır. Normativtik baza dayın. Bwl granttar aydıñ ayağına deyin bölinedi», — dedi E. Sağadiev.

Qazirgi tañda memlekettik bilim granttarın tağayındaytın respublikalıq komissiya öz jwmısın ayaqtalıp, bayqau nätijeleri BAQ-ta jariyalandı.

Qorıtındılay kele, bilim jäne ğılım ministri pedagogter qauımı men ata-analar tarapınan tüsken WBT men KT procesin jetildiruge qatıstı wsınıstardı jetkizdi. Osılayşa, WBT men KT-nı biriktiru, WBT ötkizu procesinen mektep mwğalimderin bosatu, mektepterde sınama testilerin ötkizbeu, memlekettik bilim granttarın oqu tilderine bölmey tağayındau jäne t.b. mäseleler qaralıp jatır.

“The Qazaq Times”