Almatıdağı Ortalıq Aziya universiteti. Foto: facebook.com

Akkreditteu jäne reytingtiñ täuelsiz agenttigi (NAAR/IAAR) jäne Akkreditteudiñ täuelsiz qazaqstandıq ortalığı üş joğarı oqu orının akkreditteu turalı kuäligin keri qaytarıp aldı. Olar: Ortalıq Aziya universiteti (Almatı), Aqtau gumanitarlıq-tehnikalıq universiteti (bwrınğı Qazaqstan teñiz universiteti) jäne «Astana» universiteti. Bwl aqparattı bügin bilim jäne ğılım ministrliginiñ baspasöz qızmeti habarladı.

Vedomstvo baspasöz qızmetiniñ mälimetinşe, bwl universitetterdi akkreditteu kuäligen ayıruğa olardıñ birneşe märte zañ bwzğanı sebep bolğan. Bwğan qosa, atalğan oqu orındarı tülekterine diplomdı uaqıtılı bermegen.

«Esteriñizde bolsa, däl osı üş joğarı oqu ornı bizge de tekseru jwmıstarın jürgizuge kedergi jasadı. Osığan deyin jürgizilgen tekseruler nätijesinde bwl oqu orındarınada birqatar bwzuşılıqtar anıqtalğan bolatın. Akkreditaciyaları boyınşa da problemaları boldı. Ötken jılı tülekteri diplomdarın uaqıtılı ala almay qinalğan edi. Saldarınan magistraturağa oquğa tüsu nemese jwmısqa twruğa baylanıstı qiındıqtarğa tap boldı. Ökinişke qaray, bwl joğarı oqu orındarında oquın jalğastırıp jatqan studentter bwl jağdaydan sabaq almadı. Biıl da kadrlardı dayındau sapasına qatıstı sol mäseleler köterilip jatır. Endi bwl oqu orındarı bwğan deyin jürgizgen tekserulerimizdiñ nätijeleri boyınşa tiisti şeşim qabıldauımızğa kedergi keltirip, türli amaldarımen uaqıttı sozıp jatır» dedi QR BĞM Bilim jäne ğılım salasındağı sapanı qamtamasız etu komitetiniñ törayımı Gülzat Köbenova.

«Bilim turalı» Zañğa säykes licenziyasız jäne akkreditaciyasız joğarı oqu orındarı diplom bere almaydı.

«The Qazaq Times»