Wlıbritaniyadağı emtihan swraqtarı qatañ baqılauda bolmaq. Foto; UK Study Centre.

Dünie jüzinde bilim beru salası qwldıray bastağanı köp jıldardan beri aytıluda. Jıl sayın joğarı oqu orındarına emtihan tapsıru kezinde emtihan swraqtarı men jauaptarı aldın ala taralıp ketu isteri Batıstıñ damığan elderinde de tuıluda. Wlıbritaniya ükimeti osıdan keyin bwl isti qatañ baqılauda wstamaq. Olar emtihan swrağın jasauşı wstazdar men mamandardıñ birqatar qwqıqtarın şekteu şaraların qoldandı. Bwl turalı sol eldegi BBC agenttigi habarladı.

Wlıbritaniyada emtihan swraqtarın dayındauğa Ofgual departamenti jauaptı. Bıltır eki kolledjde emtihan saualdarına baylanıstı daudan keyin joğarıdağıday şaranı ükimetke wsındı. Bıltır Iton jäne Vinçester kolledjderiniñ qızmetkerlerine emtihan swraqtarın aldın ala şığarıp jiberdi degen ayıptar tağılğan.

Qazirde emtihan swraqtarın şığaruğa mwğalimder de qatısa aladı, alayda olarğa qoyılatın talaptar şekteuli. Aytalıq, özderi jasağan emtihan swraularınıñ naqtı qanday emtihanğa jäne qaşan, qayda qoldanılatının bile almaydı; olardıñ swraqtardı sırtqa jayıp jibermeui qatañ baqılauda boladı.

Iton kolledjinde emtihan swraqtarı sırtqa taralıp ketkennen keyin direktorı ornınan alındı jäne birqatar qızmetkerleri bosatıldı. Vinçester kolledjinde de birqatar oqıtuşılar jauapqa tartıldı. Osı oqiğalardan keyin mwğalimderge jauapkerşilik küşeytildi.

Britannıñ bilim beru salasında emtihan swrauların satu isterin mälimdegenderge sıyaqı tağayındau isteri de qarastırıluda.

“The Qazaq Times”