Foto: https://www.tradersdna.com

Italiyanıñ Bilim ministri Lorenco Fioramonti eldegi bilim salasınıñ «qwldırauına» baylanıstı öz erkimen otstavkağa ketti. Bwl turalı Rai News 24 jañalıqtar arnası habarladı.

Telearna mälimetteri boyınşa, bilim beru salası mektepter men universitetterdi qarjılandırudıñ jetispeuşiligi saldarınan qiındıqtarğa wşırağan.

Bwğan deyin ministr Fioramonti kelesi jılğa arnalğan byudjette atalğan mäseleni şeşu üşin €3 mlrd köleminde qarjı bölinbese, qızmetten öz erkimen ketetinin eskertken. Osı aptada jaña byudjet qaralğanmen, atalğan soma bilim mekemelerin jabdıqtap, bağdarlamalardı jüzege asıruğa jetkiliksiz.

Ayta keteyik, soñğı jıldarı italiyada byudjet jobasına qatıstı mäseleler tuındap keledi. Bıltır Rim äleumettik bağdarlamalarğa bölinetin qarjı kölemin 0,9%-ğa wlğaytpaqşı bolğanmen, Bryussel' jobanı keri qaytardı. Eurokomissiya Italiyadan alğaş ret byudjet jobasın tolıqtırudı talap etken. Sol sebepti Italiya koaliciyası dağdarısqa wşıradı.

"The Qazaq Times"