ۇلىبريتانيا ەمتيحان سۇراقتارىنىڭ الدىن الا تاراتىلىپ كەتۋىنە قارسى كۇرەسۋدە

دۇنيە جۇزىندە ءبىلىم بەرۋ سالاسى قۇلدىراي باستاعانى كوپ جىلداردان بەرى ايتىلۋدا. جىل سايىن جوعارى وقۋ ورىندارىنا ەمتيحان تاپسىرۋ كەزىندە ەمتيحان سۇراقتارى مەن جاۋاپتارى الدىن الا تارالىپ كەتۋ ىستەرى باتىستىڭ دامىعان ەلدەرىندە دە تۋىلۋدا. ۇلىبريتانيا ۇكىمەتى وسىدان كەيىن بۇل ءىستى قاتاڭ باقىلاۋدا ۇستاماق. ولار ەمتيحان سۇراعىن جاساۋشى ۇستازدار مەن مامانداردىڭ بىرقاتار قۇقىقتارىن شەكتەۋ شارالارىن قولداندى. بۇل تۋرالى سول ەلدەگى BBC اگەنتتىگى حابارلادى.

ۇلىبريتانيادا ەمتيحان سۇراقتارىن دايىنداۋعا Ofgual دەپارتامەنتى جاۋاپتى. بىلتىر ەكى كوللەدجدە ەمتيحان ساۋالدارىنا بايلانىستى داۋدان كەيىن جوعارىداعىداي شارانى ۇكىمەتكە ۇسىندى. بىلتىر يتون جانە ۆينچەستەر كوللەدجدەرىنىڭ قىزمەتكەرلەرىنە ەمتيحان سۇراقتارىن الدىن الا شىعارىپ جىبەردى دەگەن ايىپتار تاعىلعان.

قازىردە ەمتيحان سۇراقتارىن شىعارۋعا مۇعالىمدەر دە قاتىسا الادى، الايدا ولارعا قويىلاتىن تالاپتار شەكتەۋلى. ايتالىق، وزدەرى جاساعان ەمتيحان سۇراۋلارىنىڭ ناقتى قانداي ەمتيحانعا جانە قاشان، قايدا قولدانىلاتىنىن بىلە المايدى; ولاردىڭ سۇراقتاردى سىرتقا جايىپ جىبەرمەۋى قاتاڭ باقىلاۋدا بولادى.

يتون كوللەدجىندە ەمتيحان سۇراقتارى سىرتقا تارالىپ كەتكەننەن كەيىن ديرەكتورى ورنىنان الىندى جانە بىرقاتار قىزمەتكەرلەرى بوساتىلدى. ۆينچەستەر كوللەدجىندە دە بىرقاتار وقىتۋشىلار جاۋاپقا تارتىلدى. وسى وقيعالاردان كەيىن مۇعالىمدەرگە جاۋاپكەرشىلىك كۇشەيتىلدى.

بريتاننىڭ ءبىلىم بەرۋ سالاسىندا ەمتيحان سۇراۋلارىن ساتۋ ىستەرىن مالىمدەگەندەرگە سىياقى تاعايىنداۋ ىستەرى دە قاراستىرىلۋدا.

“The Qazaq Times”