Foto: eadaily.com

Düniejüzilik Sauda Wyımınıñ basşısı  Roberto Azevedo älemdik sauda-sattıqqa  qauip tönip twrğanın habarladı. Bwl turalı britaniyalıq «The Independent» internet-basılımı R.Azedevonıñ sözine silteme jasap habarlaydı.

Onıñ sözinşe, sauda-sattıqtı şekteu şaraları soñğı jartı jılda  bwrın-soñdı bolıp körmegen kölemge jetken. Olardıñ  arasında tarifter, jeñildikter jäne kedendik qağidalardıñ qatañdatıluı siyaqtı şekteuler bar. DSW-nıñ bas direktorı mwnday şaralardıñ soñı ekonomikalıq auır zardaptarğa, sonıñ işinde jwmıs orındarınıñ joyıluı men ekonomikalıq ösimniñ kemuine sebep boluı mümkin degen.

Bwdan bwrın, AQŞ biligi qıtaylıq eksport tauarlarğa 25% payızdıq keden salığın engizilgeni turalı habarlanğan edi. Beyjiñ osığan  jauap retinde amerikalıq tauarlarğa  16 mlrd dollarlıq jaña salıqtar engizuge şeşim şığarğan bolatın.

“The Qazaq Times”