Фото: eadaily.com

Дүниежүзілік Сауда Ұйымының басшысы  Роберто Азеведо әлемдік сауда-саттыққа  қауіп төніп тұрғанын хабарлады. Бұл туралы британиялық «The Independent» интернет-басылымы Р.Азедевоның сөзіне сілтеме жасап хабарлайды.

Оның сөзінше, сауда-саттықты шектеу шаралары соңғы жарты жылда  бұрын-соңды болып көрмеген көлемге жеткен. Олардың  арасында тарифтер, жеңілдіктер және кедендік қағидалардың қатаңдатылуы сияқты шектеулер бар. ДСҰ-ның бас директоры мұндай шаралардың соңы экономикалық ауыр зардаптарға, соның ішінде жұмыс орындарының жойылуы мен экономикалық өсімнің кемуіне себеп болуы мүмкін деген.

Бұдан бұрын, АҚШ билігі қытайлық экспорт тауарларға 25% пайыздық кеден салығын енгізілгені туралы хабарланған еді. Бейжің осыған  жауап ретінде америкалық тауарларға  16 млрд долларлық жаңа салықтар енгізуге шешім шығарған болатын.

“The Qazaq Times”