2018 jılğı 1 tamızda bilim granttarın tağayındau jönindegi Respublikalıq konkurstıq komissiya öz jwmısın bastadı, – dep habarladı Bilim jäne ğılım ministrligi resmii saytında.

Respublikalıq komissiya otırısında Qazaqstan Respublikasınıñ joğarı oqu orındarına qabıldau boyınşa ülken dayındıq jwmısınıñ qorıtındısı şığarıladı. Jıl boyı Ministrlik studentter kontingentin irikteu sapasın arttıru jäne qalıptastıru boyınşa birqatar jüyeli şaralardı jürgizdi.
Biıl granttar sanı 20 mıñ orınğa köbeytilgen. Ganttardıñ 11 mıñı tehnikalıq mamandıqtarğa, onıñ işinde aqparattıq tehnologiyalar, robototehnika jäne nano-tehnologiyalar salasındağı mamandardı dayarlauğa, 5 mıñı – eñbek narığına qajet basqa da mamandıqtarğa, 3 mıñı – magistrlerdi, 1 mıñı PhD doktorların dayarlauğa bağıttaldı. Osılayşa, joğarı bilim alu üşin bilim granttarınıñ sanı 53 594 grantqa deyin jetkizildi.
Aytalıq 50 944 grant 1 kursqa qabıldau üşin, 2650 orın – joğarı oqu orındarınıñ dayındıq bölimderi üşin bölindi.
Atalğan basımdıqtardı eskere otırıp, 24 737 grant tehnikalıq ğılımdar jäne tehnologiyalar mamandıqtarına, 9 499 grant - bilim, 2 785 grant – auılşaruaşılıq jäne veterinariya mamandıqtarına, 2 700 grant – medicina (densaulıq saqtau jäne äleumettik qamtamasız etu) mamandıqtarına, 1 450 – gumanitarlıq ğılımdar mamandıqtarına, 100 – qwqıq mamandıqtarına, 300 – öner mamandıqtarına, 1 780 – äleumettik ğılımdar, ekonomika jäne biznes mamandıqtarına, 3 246 – jaratılıstanu ğılımdarı mamandıqtarına, 2 330 – qızmet körsetu mamandıqtarına jäne 500 grant äskeri is jäne qauipsizdik mamandıqtarına qarastırıldı.
Bwl rette memlekettik bilim beru tapsırısın ornalastıruğa jiberilgen joğarı oqu orındarınıñ tizimi keñeytilgen. Bilim grantın tağayındau konkursına 75430 adam qatısuda, onıñ işinde 60327 adam – qazaq tilindegi oqu bölimine, 14810 adam – orıs tilindegi oqu bölimine, 293 adam - ağılşın tilindegi oqu bölimine tapsırğan.
«Mäñgilik el jastarı – industriyağa!» jobası şeñberinde kvota boyınşa oquğa 5494 adam konkursqa qatısuda.

“The Qazaq Times”