2018 جىلعى 1 تامىزدا ءبىلىم گرانتتارىن تاعايىنداۋ جونىندەگى رەسپۋبليكالىق كونكۋرستىق كوميسسيا ءوز جۇمىسىن باستادى، – دەپ حابارلادى بىلىم جانە عىلىم مينيسترلىگى رەسمي سايتىندا.

رەسپۋبليكالىق كوميسسيا وتىرىسىندا قازاقستان رەسپۋبليكاسىنىڭ جوعارى وقۋ ورىندارىنا قابىلداۋ بويىنشا ۇلكەن دايىندىق جۇمىسىنىڭ قورىتىندىسى شىعارىلادى. جىل بويى مينيسترلىك ستۋدەنتتەر كونتينگەنتىن ىرىكتەۋ ساپاسىن ارتتىرۋ جانە قالىپتاستىرۋ بويىنشا بىرقاتار جۇيەلى شارالاردى جۇرگىزدى.
بيىل گرانتتار سانى 20 مىڭ ورىنعا كوبەيتىلگەن. گانتتاردىڭ 11 مىڭى تەحنيكالىق ماماندىقتارعا، ونىڭ ىشىندە اقپاراتتىق تەحنولوگيالار، روبوتوتەحنيكا جانە نانو-تەحنولوگيالار سالاسىنداعى مامانداردى دايارلاۋعا، 5 مىڭى – ەڭبەك نارىعىنا قاجەت باسقا دا ماماندىقتارعا، 3 مىڭى – ماگيسترلەردى، 1 مىڭى PhD دوكتورلارىن دايارلاۋعا باعىتتالدى. وسىلايشا، جوعارى ءبىلىم الۋ ءۇشىن ءبىلىم گرانتتارىنىڭ سانى 53 594 گرانتقا دەيىن جەتكىزىلدى.
ايتالىق 50 944 گرانت 1 كۋرسقا قابىلداۋ ءۇشىن، 2650 ورىن – جوعارى وقۋ ورىندارىنىڭ دايىندىق بولىمدەرى ءۇشىن ءبولىندى.
اتالعان باسىمدىقتاردى ەسكەرە وتىرىپ، 24 737 گرانت تەحنيكالىق عىلىمدار جانە تەحنولوگيالار ماماندىقتارىنا، 9 499 گرانت - ءبىلىم، 2 785 گرانت – اۋىلشارۋاشىلىق جانە ۆەتەريناريا ماماندىقتارىنا، 2 700 گرانت – مەديتسينا (دەنساۋلىق ساقتاۋ جانە الەۋمەتتىك قامتاماسىز ەتۋ) ماماندىقتارىنا، 1 450 – گۋمانيتارلىق عىلىمدار ماماندىقتارىنا، 100 – قۇقىق ماماندىقتارىنا، 300 – ونەر ماماندىقتارىنا، 1 780 – الەۋمەتتىك عىلىمدار، ەكونوميكا جانە بيزنەس ماماندىقتارىنا، 3 246 – جاراتىلىستانۋ عىلىمدارى ماماندىقتارىنا، 2 330 – قىزمەت كورسەتۋ ماماندىقتارىنا جانە 500 گرانت اسكەري ءىس جانە قاۋىپسىزدىك ماماندىقتارىنا قاراستىرىلدى.
بۇل رەتتە مەملەكەتتىك ءبىلىم بەرۋ تاپسىرىسىن ورنالاستىرۋعا جىبەرىلگەن جوعارى وقۋ ورىندارىنىڭ ءتىزىمى كەڭەيتىلگەن. ءبىلىم گرانتىن تاعايىنداۋ كونكۋرسىنا 75430 ادام قاتىسۋدا، ونىڭ ىشىندە 60327 ادام – قازاق تىلىندەگى وقۋ بولىمىنە، 14810 ادام – ورىس تىلىندەگى وقۋ بولىمىنە، 293 ادام - اعىلشىن تىلىندەگى وقۋ بولىمىنە تاپسىرعان.
«ماڭگىلىك ەل جاستارى – يندۋسترياعا!» جوباسى شەڭبەرىندە كۆوتا بويىنشا وقۋعا 5494 ادام كونكۋرسقا قاتىسۋدا.

“The Qazaq Times”