2017 jıldıñ statistikalıq derekterine süyenetin bolsaq, Astana qalasında gepatit auruına şaldıqqan 7005 adam tirkeldi: onıñ 95-i bala (ärtürli jastağı balalar men jasöspirimder) jäne 6910-ı eresek adam.

Adam ağzasındağı eñ mañızdı qızmetterdiñ birin bauır atqaratını belgili. Bauır adam ağzasınıñ himiyalıq zerthanası bolıp sanaladı, öytkeni qandı tazartu men ulı zattardan arıltuğa kömektesetin bastı işki müşelerdiñ qatarına jatadı. 300 milliardqa juıq bauırdağı jasuşa qannan ağzağa qajetti qışqıldar men qorek bolar önimderdi bölip alıp, süzgiden ötkizip, qajetti jerine jetkizip otıradı.

Gepatit nemese sarı auru – gepatit virustarı men infekciyalardan bolatın bauırdıñ ötkir jäne sozılmalı qabınu auruları. Gepatittiñ A, V, S, D jäne E türleri barı belgili. Olardıñ ärqaysısınıñ öz erekşelikteri bar.

Gepatit köbinese simptomsız ötedi nemese basqa aurulardıñ simptomdarına wqsas keletindikten, diagnozdı der kezinde qoyu qiın. Sonısımen gepatit qauipti auru bolıp sanaladı. Asqınuınıñ saldarınan bauır cirrozı, bauır isigi, fibroz siyaqtı qauipti sırqatqa alıp keledi.

Gepatit virustarı lastanğan tağamdar men su paydalanu, antisanitarlıq jağdayda ömir süru, virus jwqqan qandı qwyu, bosanu kezinde jwqtıru, jınıstıq qatınas, ağzağa ulı zattardıñ tüsui, jeke gigiena talaptarın saqtamau siyaqtı türli joldar arqılı beriledi. Al virustan qorğanudıñ eñ bastı jolı – aurudıñ aldın alu, yağni jeke tazalıqtı saqtau, taza auız sudı twtınu, qauipsiz jınıstıq baylanıs, naşaqorlıq qwraldardı qoldanudan bas tartu, kosmetikalıq şaralardı arnayı mekemelerde jasatu, in'ekciya üşin bir rettik ine men şpricti qoldanu, qan önimderiniñ qauipsizdigin qamtamasız etu, vakcinaciya jasau.

-Immundau şarası jıl sayın 2-3 million adamnıñ ömirin saqtap qaluğa mümkindik beredi. Qazaqstanda soñğı 25 jılda jappay ekpe jasau nätijesinde V gepatitimen auırğan balalar sanı 1234,5, eresekter sanı 311,5 ese azayğan. Qazirgi tañda gepatitten qorğanudıñ eñ tiimdi jolı – ekpe saldıru. Bwl rette memleket kepildendirilgen tegin medicinalıq kömek paketi arqılı azamattarğa qauipti aurulardıñ, sonıñ işinde, gepatittiñ aldın aluğa zor mümkindik beredi», - dedi «ÄMSQ» KEAQ Astana qalası boyınşa filialınıñ direktorı N.Qabdıqaparov.

“The Qazaq Times”