Köptegen şeteldik azamattar sapalı bilimdi äl-Farabi atındağı Qazaq wlttıq universitetinde alğısı keledi. Oğan jetekşi qazaqstandıq JOO-nıñ älemdik reytingilerdegi ornı, bilim berudiñ ağılşın tilinde boluı jäne de şeteldik seriktes universitettermen 70-ten astam qosdiplomdı bağdarlamalardıñ jüzege asırıluı öz ıqpalın tigizude.

Alıs jäne jaqın şeteldiñ 150-den astam talapkeri QazWU-ğa tüsu üşin universitettiñ onlayn jüyesi arqılı tirkelip, qwjattarın tapsırdı. Olar rastau aldı, endigi kezekte JOO-ğa qaşıqtıqtan qabıldana aladı. Qızmettiñ bwl türin Braziliya, AQŞ, Franciya, Germaniya, Indoneziya, Oñtüstik Koreya, Türkiya, Ündistan jäne tağı basqa memleketterdiñ azamattarı  qoldanıp ülgerdi.

Oqu isi jönindegi prorektor Asqar Hikmetov atap ötkendey, biılğı jılı şeteldik studentterdiñ ülken legi kütilude. Olar joğarı halıqaralıq standarttarğa say keletin bilim beru bağdarlamaları, ağılşın tilinde oqu mümkindigi jäne zamanaui kitaphana, studentterge qızmet körsetu ortalığı, sport keşeni jäne jaylı jataqhanalar ornalasqan biregey universitet kampusına qızığuşılıq tanıtuda. QazWU-da olar sapalı bilim jäne biliktilik alıp, özderiniñ ğılımi jäne şığarmaşılıq äleuetin jüzege asıra aladı.

          Büginde 300-den astam şeteldik azamat QazWU-da bilim alu üşin  qwjattarın tapsırdı. Jalpı jaña oqu jılında 600 şeteldik studentti qabıldau kütilude. Ülken swranısqa ie mamandıqtardıñ qatarında: jalpı medicina, aqparattıq jüyeler, halıqaralıq qatınastar, menedjment, biotehnologiya, qazaq jäne orıs tilderin oqu.

“The Qazaq Times”