كوپتەگەن شەتەلدىك ازاماتتار ساپالى ءبىلىمدى ءال-فارابي اتىنداعى قازاق ۇلتتىق ۋنيۆەرسيتەتىندە العىسى كەلەدى. وعان جەتەكشى قازاقستاندىق جوو-نىڭ الەمدىك رەيتىنگىلەردەگى ورنى، ءبىلىم بەرۋدىڭ اعىلشىن تىلىندە بولۋى جانە دە شەتەلدىك سەرىكتەس ۋنيۆەرسيتەتتەرمەن 70-تەن استام قوسديپلومدى باعدارلامالاردىڭ جۇزەگە اسىرىلۋى ءوز ىقپالىن تيگىزۋدە.

الىس جانە جاقىن شەتەلدىڭ 150-دەن استام تالاپكەرى قازۇۋ-عا ءتۇسۋ ءۇشىن ۋنيۆەرسيتەتتىڭ ونلاين جۇيەسى ارقىلى تىركەلىپ، قۇجاتتارىن تاپسىردى. ولار راستاۋ الدى، ەندىگى كەزەكتە جوو-عا قاشىقتىقتان قابىلدانا الادى. قىزمەتتىڭ بۇل ءتۇرىن برازيليا، اقش، فرانتسيا، گەرمانيا، يندونەزيا، وڭتۇستىك كورەيا، تۇركيا، ءۇندىستان جانە تاعى باسقا مەملەكەتتەردىڭ ازاماتتارى  قولدانىپ ۇلگەردى.

وقۋ ءىسى جونىندەگى پرورەكتور اسقار حيكمەتوۆ اتاپ وتكەندەي، بيىلعى جىلى شەتەلدىك ستۋدەنتتەردىڭ ۇلكەن لەگى كۇتىلۋدە. ولار جوعارى حالىقارالىق ستاندارتتارعا ساي كەلەتىن ءبىلىم بەرۋ باعدارلامالارى، اعىلشىن تىلىندە وقۋ مۇمكىندىگى جانە زاماناۋي كىتاپحانا، ستۋدەنتتەرگە قىزمەت كورسەتۋ ورتالىعى، سپورت كەشەنى جانە جايلى جاتاقحانالار ورنالاسقان بىرەگەي ۋنيۆەرسيتەت كامپۋسىنا قىزىعۋشىلىق تانىتۋدا. قازۇۋ-دا ولار ساپالى ءبىلىم جانە بىلىكتىلىك الىپ، وزدەرىنىڭ عىلىمي جانە شىعارماشىلىق الەۋەتىن جۇزەگە اسىرا الادى.

          بۇگىندە 300-دەن استام شەتەلدىك ازامات قازۇۋ-دا ءبىلىم الۋ ءۇشىن  قۇجاتتارىن تاپسىردى. جالپى جاڭا وقۋ جىلىندا 600 شەتەلدىك ستۋدەنتتى قابىلداۋ كۇتىلۋدە. ۇلكەن سۇرانىسقا يە ماماندىقتاردىڭ قاتارىندا: جالپى مەديتسينا، اقپاراتتىق جۇيەلەر، حالىقارالىق قاتىناستار، مەنەدجمەنت، بيوتەحنولوگيا، قازاق جانە ورىس تىلدەرىن وقۋ.

“The Qazaq Times”