Qıtay men Resey Ortalıq Aziyada bäsekeles emes – dep habarlaydı TASS aqparat agenttigi.

Reseydiñ TASS aqparat agenttiginiñ mädimetinşe, Qıtay sırtqı ister ministri Van I agenttikke bergen swhbatında resmi Beyjiñ men Mäskeudiñ Ortalıq Aziyadağı sayasatına qatıstı pikir bildirgen. Onda ol: «Biz Ortalıq Aziyada üstemdik qwrudı közdemeymiz. Atalmış mäselede jekelegen küşter Qıtay men Resey arasına sına qaqqısı keledi. Biraq resmi Beyjiñ men Mäskeu Ortalıq Aziyada bäsekeles emes. Resey men Ortalıq Aziya elderiniñ qarım-qatınasınıñ tarihı tereñde. Aymaq elderiniñ sırtqı sayasatında Reseydiñ alatın ornı ekekşe. Qıtay eli bwnı joğarı bağalaydı jäne ülken qwrmetpen qaraydı» - dep mälimdegen.

Osı twsta ayta ketetin bir jayt, soñğı uaqıttarı reseylik jäne älemdik BAQ betterinde Ortalıq Aziyadağı üstemdik üşin Qıtay men Resey arasında jasırın bäsekelestik jürip jatqandığı jöninde jii aytıluda. Onıñ üstine halıqaralıq wyımdar soñğı jıldarı Qıtay biliginiñ Ortalıq Aziya elderine näsie men investiciyanı Reseymen salıstırğanda eki-üş esege köp bölip jatqandığın alağa tartuda.

Jalpı, Qıtay osı uaqıtqa deyin "Bir beldeu - Bir jol" jobası ayasında älemniñ 65 eline 8 trillion dollardan astam qarjı qwyğan. Olardıñ işinde Ortalıq Aziyadağı Qazaqstan, Özbekstan, Qırğızstan, Türkimenstan, Täjikstan da bar. AQŞ sarapşılarınıñ pikirinşe, Ortalıq Aziya elderi arasında bolaşaqta Qıtay nesiesin qaytaruda Qırğızstan men Täjikstan ekonomikalıq qiındıqtarğa tap boluı mümkin. Sebebi resmi Bişkek pen Duşanbe qazirdiñ özinde Qıtay bankerinen şamadan tıs köp nesie alıp ülgergen.

"The Qazaq Times"