Foto: Don Sterdjes

Wlıbritaniya biligi Don Sterdjestiñ ölimine qatısı barlardı tauıp, qwqıqtıq jauapkerşilikke tartatındarın habarladı. 8-şilde küni auruhana töseginde köz jwmğan britaniyalıq 44 jastağı äyel «Noviçok» jüyke-sal aurularınıñ ulağış zattegiden ulanğan. Bwl turalı "lemonde.fr" habarlaydı.

«Skotland-YArd» ağılşın policey qwrılımınıñ habarlauınşa, qasaqana adam öltiru isine qatıstı sottıq is aşılğan. Eske salayıq, 44 jastağı Don Sterdjes pen onıñ 45-jastağı joldası Çarl'z Rouli 30 mausım küni asa auır jağdayda auruhanağa jatqızılğan edi. Ötken aptanıñ ortasında tergeuşiler olardıñ Reseydiñ Qauipsizdik qızmetiniñ bwrınğı barlauşısı Sergey Sripal' men onıñ qızı ulanğan zattektermen ulanğanın habarlağan bolatın. Osığan baylanıstı resmi London qayğılı oqiğağa Reseydi kinälağan edi. Mäskeu tarapı bwl ayıptaumen kelispeytinin mälimdedi.

Jalpı, Skripal'der oqiğası soñğı üş aydan beri Resey men EO arasın odan sayın uşıqtırıp jibergen edi. Endi, Skripal'der ulanğan aymaqta, däl solar zardap şekken zattektermen ulanğan britaniyalıq erli-zayıptılar Wlıbritaniya men Resey arasındağı kelispeuşilikti tağı da tereñdete tüskendey.

“The Qazaq Times”