فوتو: دون ستەردجەس

ۇلىبريتانيا بيلىگى دون ستەردجەستىڭ ولىمىنە قاتىسى بارلاردى تاۋىپ، قۇقىقتىق جاۋاپكەرشىلىككە تارتاتىندارىن حابارلادى. 8-شىلدە كۇنى اۋرۋحانا توسەگىندە كوز جۇمعان بريتانيالىق 44 جاستاعى ايەل «نوۆيچوك» جۇيكە-سال اۋرۋلارىنىڭ ۋلاعىش زاتتەگىدەن ۋلانعان. بۇل تۋرالى "lemonde.fr" حابارلايدى.

«سكوتلاند-يارد» اعىلشىن پوليتسەي قۇرىلىمىنىڭ حابارلاۋىنشا، قاساقانا ادام ءولتىرۋ ىسىنە قاتىستى سوتتىق ءىس اشىلعان. ەسكە سالايىق، 44 جاستاعى دون ستەردجەس پەن ونىڭ 45-جاستاعى جولداسى چارلز روۋلي 30 ماۋسىم كۇنى اسا اۋىر جاعدايدا اۋرۋحاناعا جاتقىزىلعان ەدى. وتكەن اپتانىڭ ورتاسىندا تەرگەۋشىلەر ولاردىڭ رەسەيدىڭ قاۋىپسىزدىك قىزمەتىنىڭ بۇرىنعى بارلاۋشىسى سەرگەي سريپال مەن ونىڭ قىزى ۋلانعان زاتتەكتەرمەن ۋلانعانىن حابارلاعان بولاتىن. وسىعان بايلانىستى رەسمي لوندون قايعىلى وقيعاعا رەسەيدى كىنالاعان ەدى. ماسكەۋ تاراپى بۇل ايىپتاۋمەن كەلىسپەيتىنىن مالىمدەدى.

جالپى، سكريپالدەر وقيعاسى سوڭعى ءۇش ايدان بەرى رەسەي مەن ەو اراسىن ودان سايىن ۋشىقتىرىپ جىبەرگەن ەدى. ەندى، سكريپالدەر ۋلانعان ايماقتا، ءدال سولار زارداپ شەككەن زاتتەكتەرمەن ۋلانعان بريتانيالىق ەرلى-زايىپتىلار ۇلىبريتانيا مەن رەسەي اراسىنداعى كەلىسپەۋشىلىكتى تاعى دا تەرەڭدەتە تۇسكەندەي.

“The Qazaq Times”