Foto: CNN

AQŞ-tıñ bwrınğı prezidenti Barak Obamanıñ komandalastarı Twitter arqılı Trampqa «Soğıs aştı» dep habarlaydı qıtaylıq «Xinlang» saytı.

Köptegen demokrattar Obamanıñ bilikten ketkenine ünsiz moyınswnıp, prezidenttikti Tramptıñ ielegenin qabıldadı. Alayda, Obamanı qoldauşılar olay jasay almaptı. Bwrınğı prezident Obamanıñ "juas" kömekşileri, baspasöz hatşısı, keñse meñgeruşisi, basqa da komandalastarı bilek sıbanıp, Trampqa aqparattıq şabuıl jasap jatır. Köbinde öz äleumettik jelilerinde Tramp sayasatına degen qarsılıq pikirleri örşude. Tipti, qazirgi prezidenttiñ är basqan qadamına qarsılıq bildirip, jappay sınğa aluda. Bwdan Tramptıñ 23 millionnan astam qoldauşısı eki prezident komandası arasında janjal tuılıp ketuinen qauiptenip otır. Bwl Amerika sayasatındağı jaña trend bolıp qalıptasıp otır.

Bwrınğı prezidentke qızmet etkenderdiñ jeke paraqşalarında jazğan tau teñiz pikirlerdi tolıq aqtarıp aytu mümkin emes. Mısal retinde Obama twsında joğarı därejeli äkimşilik lauazımındağı bir qızmetkerdiñ pikirin keltireyik:

«Köpşiligimiz osı jasalıp jatqan sayasattıñ elimizge auır qısım äkeletinine senimdimiz. Olar amerikalıqtardı aldap otır. Äsirese, bizdiñ jasap ketken qızmetterimizdi ötirik bağalaularğa saldı. Alayda bizde elektrondı poşta jelisi bar, kerek bolsa olardıñ swrqiyalığın jayıp salamız».

Bwdan da ötkir pikirlerdi kezdestiruge boladı. Bir sözben aytqanda Tramptıñ sayasatı Amerikağa bwrın-soñdı bolıp körmegen sayasi teke-tiresti ala kelui mümkin. Al, Tramp öz komandasımen birge AQŞ ekonomikasına serpilis jasauğa tırısıp bağuda. Qwrama Ştattardağı ornıqtılıqtı, ekonomikalıq ösimdi qamtamasız ete alu almau Trampqa degen amerikalıqtar seniminiñ eñ negizgi principi. Amerikalıqtar müddesin bastı orınğa qoyudı tu etip kötergen Tramp sayasatı, amerikalıqtar qarsılığına wşıraytını, qalıptasqan demokratiyanı da ayğaqtasa kerek. Degenmen, tığırıqtan şığa almasa, «Kün batpas Amerikanıñ da» hali müşkil bolmaq.

“The Qazaq Times”