فوتو: CNN

اقش-تىڭ بۇرىنعى پرەزيدەنتى باراك وبامانىڭ كوماندالاستارى Twitter ارقىلى ترامپقا «سوعىس اشتى» دەپ حابارلايدى قىتايلىق «Xinlang» سايتى.

كوپتەگەن دەموكراتتار وبامانىڭ بيلىكتەن كەتكەنىنە ءۇنسىز مويىنسۇنىپ، پرەزيدەنتتىكتى ترامپتىڭ يەلەگەنىن قابىلدادى. الايدا، وبامانى قولداۋشىلار ولاي جاساي الماپتى. بۇرىنعى پرەزيدەنت وبامانىڭ "جۋاس" كومەكشىلەرى، ءباسپاسوز حاتشىسى، كەڭسە مەڭگەرۋشىسى، باسقا دا كوماندالاستارى بىلەك سىبانىپ، ترامپقا اقپاراتتىق شابۋىل جاساپ جاتىر. كوبىندە ءوز الەۋمەتتىك جەلىلەرىندە ترامپ ساياساتىنا دەگەن قارسىلىق پىكىرلەرى ورشۋدە. ءتىپتى، قازىرگى پرەزيدەنتتىڭ ءار باسقان قادامىنا قارسىلىق ءبىلدىرىپ، جاپپاي سىنعا الۋدا. بۇدان ترامپتىڭ 23 ميلليوننان استام قولداۋشىسى ەكى پرەزيدەنت كومانداسى اراسىندا جانجال تۋىلىپ كەتۋىنەن قاۋىپتەنىپ وتىر. بۇل امەريكا ساياساتىنداعى جاڭا ترەند بولىپ قالىپتاسىپ وتىر.

بۇرىنعى پرەزيدەنتكە قىزمەت ەتكەندەردىڭ جەكە پاراقشالارىندا جازعان تاۋ تەڭىز پىكىرلەردى تولىق اقتارىپ ايتۋ مۇمكىن ەمەس. مىسال رەتىندە وباما تۇسىندا جوعارى دارەجەلى اكىمشىلىك لاۋازىمىنداعى ءبىر قىزمەتكەردىڭ پىكىرىن كەلتىرەيىك:

«كوپشىلىگىمىز وسى جاسالىپ جاتقان ساياساتتىڭ ەلىمىزگە اۋىر قىسىم اكەلەتىنىنە سەنىمدىمىز. ولار امەريكالىقتاردى الداپ وتىر. اسىرەسە، ءبىزدىڭ جاساپ كەتكەن قىزمەتتەرىمىزدى وتىرىك باعالاۋلارعا سالدى. الايدا بىزدە ەلەكتروندى پوشتا جەلىسى بار، كەرەك بولسا ولاردىڭ سۇرقيالىعىن جايىپ سالامىز».

بۇدان دا وتكىر پىكىرلەردى كەزدەستىرۋگە بولادى. ءبىر سوزبەن ايتقاندا ترامپتىڭ ساياساتى امەريكاعا بۇرىن-سوڭدى بولىپ كورمەگەن ساياسي تەكە-تىرەستى الا كەلۋى مۇمكىن. ال، ترامپ ءوز كومانداسىمەن بىرگە اقش ەكونوميكاسىنا سەرپىلىس جاساۋعا تىرىسىپ باعۋدا. قۇراما شتاتتارداعى ورنىقتىلىقتى، ەكونوميكالىق ءوسىمدى قامتاماسىز ەتە الۋ الماۋ ترامپقا دەگەن امەريكالىقتار سەنىمىنىڭ ەڭ نەگىزگى ءپرينتسيپى. امەريكالىقتار مۇددەسىن باستى ورىنعا قويۋدى تۋ ەتىپ كوتەرگەن ترامپ ساياساتى، امەريكالىقتار قارسىلىعىنا ۇشىرايتىنى، قالىپتاسقان دەموكراتيانى دا ايعاقتاسا كەرەك. دەگەنمەن، تىعىرىقتان شىعا الماسا، «كۇن باتپاس امەريكانىڭ دا» ءحالى مۇشكىل بولماق.

“The Qazaq Times”