Jaña jıl qarsañında Bayan-Ölgiy aymağınıñ Jurnalister odağı aymaqtağı bwqaralıq aqparat qwraldarınıñ üzdik qızmetkerlerin marapattadı. Bwl turalı kaznews.mn saytı habarladı.

Bayan-Ölgiy aymağınıñ Jurnalister odağı, «Moñğol Zaman» basılımın «Üzdik gazet», «TV4» telearnasın «Üzdik telearna», «KAZNEWS.mn» portalın aymaqtağı «Üzdik aqparattıq sayt» dep tanıdı.

Sonımen qatar, aymaqtıq jurnalister odağınıñ basqarma müşeleri türli nominaciya boyınşa aymağımızdıñ üzdik baspasöz qızmetkerlerin anıqtadı.

J.Jwldız («Derbes» telearnası) – «Üzdik telejürgizuşi», Q.Jaynağan («Naz» telearnası) – «Üzdik redaktor», M.Esenkeldi (Jergilikti qazaq radio, telearnası) – «Üzdik operator», B.Nwrbota (QR Elşiliginiñ baspasöz qızmetkeri) - «Üzdik jurnalist» dep tanıldı.

A.Beley «Jurnalistika ardageri», A.Ejenhan, M.Muğraj qatarlı azamattar «Belsendi qalamger», A.Kümisay «Üzdik qarjıger» marapatına layıq dep tanıldı.

Moñğoliya Jurnalister birikken odağınıñ 100 jıldıq medalımen: Jergilikti qazaq radio, telearnasınıñ tilşisi Q.Töleubay, Moñğol Zaman gazetiniñ Kökmoynaq bağındağı menşikti tilşisi K.Alaş, Derbes telearnasınıñ atqaruşı direktorı A.Kenjebay marapattaldı.

QR-nıñ Aqparat jäne Mädeniet ministrligi «Baspasöz salasınıñ üzdigi» medalimen qazaq tildi baspasöz «Moñğol Zaman» gazetiniñ bas redaktorı R.Asılbek, Moñğoliya Jurnalister odağınıñ «Baspasöz salasınıñ üzdigi» medalimen J.Qabdıraş marapattaldı.

Aymaq äkiminiñ Qwrmet gramotasımen Jergilikti qazaq radio, telearnasınıñ qızmetkeri R.Ökeş, aymaqtıq Azamattar Ökilderi Huralınıñ Törağasınıñ Qwrmet gramotasımen Jergilikti qazaq radio, telearnasınıñ tilşisi K.Marjan sıylandı.