جاڭا جىل قارساڭىندا بايان-ولگي ايماعىنىڭ جۋرناليستەر وداعى ايماقتاعى بۇقارالىق اقپارات قۇرالدارىنىڭ ۇزدىك قىزمەتكەرلەرىن ماراپاتتادى. بۇل تۋرالى kaznews.mn سايتى حابارلادى.

بايان-ولگي ايماعىنىڭ جۋرناليستەر وداعى، «موڭعول زامان» باسىلىمىن «ۇزدىك گازەت»، «تۆ4» تەلەارناسىن «ۇزدىك تەلەارنا»، «KAZNEWS.mn» پورتالىن ايماقتاعى «ۇزدىك اقپاراتتىق سايت» دەپ تانىدى.

سونىمەن قاتار، ايماقتىق جۋرناليستەر وداعىنىڭ باسقارما مۇشەلەرى ءتۇرلى نوميناتسيا بويىنشا ايماعىمىزدىڭ ۇزدىك ءباسپاسوز قىزمەتكەرلەرىن انىقتادى.

ج.جۇلدىز («دەربەس» تەلەارناسى) – «ۇزدىك تەلەجۇرگىزۋشى»، ق.جايناعان («ناز» تەلەارناسى) – «ۇزدىك رەداكتور», م.ەسەنكەلدى (جەرگىلىكتى قازاق راديو، تەلەارناسى) – «ۇزدىك وپەراتور», ب.نۇربوتا (قر ەلشىلىگىنىڭ ءباسپاسوز قىزمەتكەرى) - «ۇزدىك جۋرناليست» دەپ تانىلدى.

ا.بەلەي «جۋرناليستيكا ارداگەرى»، ا.ەجەنحان، م.مۋعراج قاتارلى ازاماتتار «بەلسەندى قالامگەر»، ا.كۇمىساي «ۇزدىك قارجىگەر» ماراپاتىنا لايىق دەپ تانىلدى.

موڭعوليا جۋرناليستەر بىرىككەن وداعىنىڭ 100 جىلدىق مەدالىمەن: جەرگىلىكتى قازاق راديو، تەلەارناسىنىڭ ءتىلشىسى ق.تولەۋباي, موڭعول زامان گازەتىنىڭ كوكمويناق باعىنداعى مەنشىكتى ءتىلشىسى ك.الاش, دەربەس تەلەارناسىنىڭ اتقارۋشى ديرەكتورى ا.كەنجەباي ماراپاتتالدى.

قر-نىڭ اقپارات جانە مادەنيەت مينيسترلىگى «ءباسپاسوز سالاسىنىڭ ۇزدىگى» مەدالىمەن قازاق ءتىلدى ءباسپاسوز «موڭعول زامان» گازەتىنىڭ باس رەداكتورى ر.اسىلبەك, موڭعوليا جۋرناليستەر وداعىنىڭ «ءباسپاسوز سالاسىنىڭ ۇزدىگى» مەدالىمەن ج.قابدىراش ماراپاتتالدى.

ايماق اكىمىنىڭ قۇرمەت گراموتاسىمەن جەرگىلىكتى قازاق راديو، تەلەارناسىنىڭ قىزمەتكەرى ر.وكەش، ايماقتىق ازاماتتار وكىلدەرى حۋرالىنىڭ توراعاسىنىڭ قۇرمەت گراموتاسىمەن جەرگىلىكتى قازاق راديو، تەلەارناسىنىڭ ءتىلشىسى ك.مارجان سىيلاندى.