Foto: RIA Novosti.

Resey men Özbekstan «Suffa» radioteleskopınıñ qwrılısın qayta jandandırmaq.

RBK telearnasınıñ habarlauınşa, Mäskeu qalasında ötken baspasöz mäslihatında Resey ğılım akademiyasınıñ prezidenti Aleksandr Sergeev: «Resmi Mäskeu men Taşkent "Suffa" radioteleskopınıñ qwrılısın qayta jandandırudı közdep otır. Bwl Resey halıqaralıq ğılım ortalığınıñ özge el aumağında bastağalı otırğan alğaşqı jobası. Özbekstannıñ eñ biik nüktesinde ornalasatın "Suffa" radioteleskopınıñ qwrılısın bastau arqılı biz jaña halıqaralıq kelisim negizinde jwmıs isteytin bolamız. Atalmış nısannıñ qwrılısı ülken sayasi mañızğa ie. Biz "Suffa" radioteleskopı arqılı TMD aumağında osı uaqıtqa deyin joğaltıp alğan ğılımi küş-quatımızdı qayta qaytarıp aluğa mümkindik alamız» - dep mälimdegen.

Taşkent qalasınıñ oñtüstik-batısındağı Zaamin eldi mekeninen 40 şaqırım jerde ornalasqan "Suffa" radioteleskop zartteu ortalığınıñ qwrılısı 1985 jılı bastalğan. Onıñ irge tası eñ alğaş 1981 jılı qalanğan. Biraq, Keñester odağınıñ qwlauı men qarjı tapşılığı saldarınan zertteu ortalığınıñ qwrılısı orta jolda toqtatılğan. Qazirgi tañda "Suffa" radioteleskopınıñ qwrılısı ayaqtalmağan küyde twr. 2014 jılğı esep boyınşa, teleskop qwrılısın ayaqtauğa 50 million dollar qarjı qajet.

“The Qazaq Times”