Foto: rusplt.ru

Aqparat jäne kommunikaciya ministri Däuren Abaev elbası Nwrswltan Nazarbaevtıñ 2020 jılı prezidenttik saylauğa qatısu mümkindigi turalı tüsinikteme berdi. Vedomstvo basşısı prezidenttik dodağa deyin äli biraz uaqıt barın aytıp, Senat törağası Qasım-Jomart Toqaevtıñ osı mäselege qatıstı aytqandarımen tolıq kelisetinin jetkizdi.

«2020 jılğa deyin äli biraz uaqıt bar. Qasım-Jomart Kemelwlı dwrıs aytadı. Ol kisi prezidenttiñ janında wzaq jıl jwmıs istedi. Nwrswltan Äbişwlı aldağı prezidenttik saylauğa qatısatının yaki qatıspaytının özi şeşedi. Eger qatısar bolsa, qazaq eli üşin ülken olja bolar edi. Öytkeni, Elbasınıñ sayasatta, ekonomikada, halıqaralıq isterde mol täjiribesi bar» - dedi, Däuren Abaev.

Osığan deyin, Senat törağası Qasım-Jomart Toqaev «Bi-bi-si» arnasına bergen swqbatında Nwrswltan Nazarbaevtıñ 2020 jılı bolatın prezident saylauına qatıspauı mümkin ekenin aytqan edi.

“The Qazaq Times”