فوتو: rusplt.ru

اقپارات جانە كوممۋنيكاتسيا ءمينيسترى داۋرەن اباەۆ ەلباسى نۇرسۇلتان نازارباەۆتىڭ 2020 جىلى پرەزيدەنتتىك سايلاۋعا قاتىسۋ مۇمكىندىگى تۋرالى تۇسىنىكتەمە بەردى. ۆەدومستۆو باسشىسى پرەزيدەنتتىك دوداعا دەيىن ءالى ءبىراز ۋاقىت بارىن ايتىپ، سەنات توراعاسى قاسىم-جومارت توقاەۆتىڭ وسى ماسەلەگە قاتىستى ايتقاندارىمەن تولىق كەلىسەتىنىن جەتكىزدى.

«2020 جىلعا دەيىن ءالى ءبىراز ۋاقىت بار. قاسىم-جومارت كەمەلۇلى دۇرىس ايتادى. ول كىسى پرەزيدەنتتىڭ جانىندا ۇزاق جىل جۇمىس ىستەدى. نۇرسۇلتان ءابىشۇلى الداعى پرەزيدەنتتىك سايلاۋعا قاتىساتىنىن ياكي قاتىسپايتىنىن ءوزى شەشەدى. ەگەر قاتىسار بولسا، قازاق ەلى ءۇشىن ۇلكەن ولجا بولار ەدى. ويتكەنى، ەلباسىنىڭ ساياساتتا، ەكونوميكادا، حالىقارالىق ىستەردە مول تاجىريبەسى بار» - دەدى، داۋرەن اباەۆ.

وسىعان دەيىن، سەنات توراعاسى قاسىم-جومارت توقاەۆ «بي-بي-سي» ارناسىنا بەرگەن سۇقباتىندا نۇرسۇلتان نازارباەۆتىڭ 2020 جىلى بولاتىن پرەزيدەنت سايلاۋىنا قاتىسپاۋى مۇمكىن ەكەنىن ايتقان ەدى.

“The Qazaq Times”