Foto: lemonde.fr

Özbekstannıñ Sırtqı ister ministrligi Auğanstan ükimeti men «Taliban» terrorlıq qozğalısı arasında beybit kelissözder jasaluı üşin däneker boluğa dayın ekendigin mälimdedi. Bwl turalı, keşe, 18 mausımda Özbekstannıñ sırtqı sayasat vedomostvasınıñ baspasöz qızmeti habarladı.

Üstimizdegi jıldıñ 27 naurızında Taşkentte ötken Auğanstan mäseleleri jönindegi halıqaralıq konferenciyadan keyin Özbekstan resmi Kabulmen, sonımen qatar AQŞ, Qıtay, Resey, Oñtüstik Aziya, Orta jäne Tayau Şığıs elderimen konsul'tativtık kezdesuler ötkizip, nätijesinde Auğanstandağı jağdayğa baylanıstı «Taliban» qozğalısı ökilderimen mämilelesuge şeşim şığarğan. Eske sala ketsek, 15 mausım küni Auğanstan biligi men tälibter 17 jıldan beri alğaş ret uaqıtşa bitim jasasqan edi. El prezidenti Aşraf Gani osı kelisimşart wzaq jılğı soğısqa nükte qoyadıdep ümittenetinin de jasırmadı. Alayda, Türkimenstanmen şekarada DAIŞ ökilderi tarapınan jasalğan şabuılğa baylanıstı qayta köterilgen tälibter, prezidenttiñ uaqıtşa bitim merzimin wzartu wsınısın qabıldamaytındıqtarın mälimdegen bolatın. Endi, Özbekstan biligi de bwl mäselege aralasa bastadı.

 

“The Qazaq Times”