SQO äkimi Qwmar Aqsaqalov öñir därigerlerin käsibi merekelerimen qwttıqtadı

Petropavlda medicina qızmetkerleriniñ käsibi merekesine arnalğan saltanattı jiın ötti. Aq halattı abzal jandardı töl meyramdarımen SQO äkimi Qwmar Aqsaqalov qwttıqtadı.

Öñir basşısı därigerlerdiñ qoğamda alar ornı erekşe ekenin atap ötti. Qazir emdeu mekemelerinde isine berik käsibi mamandar jeterlik. Qwmar Aqsaqalov jas mamandarğa ülgi bolarlıq därigerlerdiñ esimderin atadı. Olar – oblıstıq balalar auruhanasınıñ jan-saqtau bölimşesin 30 jıl basqarıp kele jatqan Nwrlan Jaqıpov, joğarı sanattı sınıqşı Nikos Leonov, joğarı sanattı hirurg-onkolog Mälik Seksembaev.

Qazir oblısta medicina salasına erekşe köñil bölinip keledi. Biıl öñirde emdeu mekemelerine 38 avtokölik pen 54 medicinalıq qondırğı satıp alu közdelgen. 15 şaqtı densaulıq saqtau ğimaratın jöndeu közdelgen.

Saltanattı jiında marapattau räsimi ötti. Wzaq jılğı adal eñbegi, oblıstıñ densaulıq saqtau jüyesin damıtuğa qosqan zor ülesi üşin medicina qızmetkerleri oblıstıq äkiminiñ qwrmet gramotası jäne alğıs hattarımen marapattaldı. «Qazaqstan Respublikasınıñ densaulıq saqtau isiniñ üzdigi» belgisi jäne «Densaulıq saqtau isine qosqan ülesi üşin» belgisi de öz ielerin taptı.

“The Qazaq Times”