سقو اكىمى ءوڭىر دارىگەرلەرىن كاسىبي مەرەكەلەرىمەن قۇتتىقتادى

پەتروپاۆلدا مەديتسينا قىزمەتكەرلەرىنىڭ كاسىبي مەرەكەسىنە ارنالعان سالتاناتتى جيىن ءوتتى. اق حالاتتى ابزال جانداردى ءتول مەيرامدارىمەن سقو اكىمى قۇمار اقساقالوۆ قۇتتىقتادى.

ءوڭىر باسشىسى دارىگەرلەردىڭ قوعامدا الار ورنى ەرەكشە ەكەنىن اتاپ ءوتتى. قازىر ەمدەۋ مەكەمەلەرىندە ىسىنە بەرىك كاسىبي ماماندار جەتەرلىك. قۇمار اقساقالوۆ جاس ماماندارعا ۇلگى بولارلىق دارىگەرلەردىڭ ەسىمدەرىن اتادى. ولار – وبلىستىق بالالار اۋرۋحاناسىنىڭ جان-ساقتاۋ بولىمشەسىن 30 جىل باسقارىپ كەلە جاتقان نۇرلان جاقىپوۆ، جوعارى ساناتتى سىنىقشى نيكوس لەونوۆ، جوعارى ساناتتى حيرۋرگ-ونكولوگ مالىك سەكسەمباەۆ.

قازىر وبلىستا مەديتسينا سالاسىنا ەرەكشە كوڭىل ءبولىنىپ كەلەدى. بيىل وڭىردە ەمدەۋ مەكەمەلەرىنە 38 اۆتوكولىك پەن 54 مەديتسينالىق قوندىرعى ساتىپ الۋ كوزدەلگەن. 15 شاقتى دەنساۋلىق ساقتاۋ عيماراتىن جوندەۋ كوزدەلگەن.

سالتاناتتى جيىندا ماراپاتتاۋ ءراسىمى ءوتتى. ۇزاق جىلعى ادال ەڭبەگى، وبلىستىڭ دەنساۋلىق ساقتاۋ جۇيەسىن دامىتۋعا قوسقان زور ۇلەسى ءۇشىن مەديتسينا قىزمەتكەرلەرى وبلىستىق اكىمىنىڭ قۇرمەت گراموتاسى جانە العىس حاتتارىمەن ماراپاتتالدى. «قازاقستان رەسپۋبليكاسىنىڭ دەنساۋلىق ساقتاۋ iسiنiڭ ۇزدiگi» بەلگىسى جانە «دەنساۋلىق ساقتاۋ ىسىنە قوسقان ۇلەسى ءۇشىن» بەلگىسى دە ءوز يەلەرىن تاپتى.

“The Qazaq Times”