Foto: ca-news.org

Türkimenstan ükimeti künköris üşin şet elderde jwmıs istep jürgen türikmen azamattarın elge qaytaru şaraların qolğa aldı. Bwl turalı ca-news.org agenttigi habarlaydı.

Qazirgi uaqıtta türikmen şeneunikteri «eski tölqwjattarmen» şet memleketterde jürgen azamattarına üş apta işinde jedel türde jaña qwjat jasap beruge, sonımen qatar, Köşi-qon turalı zañdı bwzıp, şetelde jürgenderdiñ jauapkerşilikke tartılmaytındıqtarına uäde bergen. Osı künderi migranttardı otandarına qaytaru mäselesine qatıstı kelissözder jalğasuda. Bwdan bwrın Türkimenstan biliginiñ şet elderde jwmıs istep jürgen äri Türkimenstannıñ Köşi-qon turalı zañın bwzuşı azamattarğa qanday jaza tağayındalatınına qatıstı mäseleni kün tärtibine şığarğanı belgili. Endi, biliktiñ soñğı mälimdemesine säykes, osı jazadan qaşıp jürgen türikmen azamattarına eşqanday qauip tönip twrğan joq. Türikmen aqparat qwraldarınıñ habarlarına qarağanda, qazirgi sätte şetelde jwmıs istep jürgenderdiñ tuıstarı men jaqındarına olardı elge şaqıruğa ötinişter jasalğan. Tağı ayta ketetin bir jayt, beyresmi mälimetter joğarıdağıday uädelerden bölek, olardıñ tuıstarına qısım körsetilip jatqanın, äsirese memlekettik qızmetkerlerge tuıstarın qaytaruğa qatıstı talap pen qısımnıñ küşeygeni turalı habar taratuda.

Türikmenstan ükimetiniñ şetelde nan tauıp jürgen öz azamattarın ne üşin otandarına qaytaruğa kiriskeni turalı naqtı äri anıq mälimet joq. Ayta ketu kerek, türikmender künköris qamı üşin negizinen Türkiya eline köp baradı. Türkiyanıñ Köşi-qon qızmetiniñ derekterine säykes, tek 2016-2016 jıldardıñ özinde şamamen 30 mıñ türikmen azamatı Türkiyada resmi türde tirkelgen. Al, soñğı uaqıtta olardıñ basım köpşiligi köbinese Äzirbayjan, Özbekstan jäne Qazaqstanğaqaray ağıla bastağan.

“The Qazaq Times”