Foto: mynet.com

Süriya  ükimettik äskerileri el territoriyasınan terrorlıq «mektepter» tapqandarı turalı resmi türde mälimdedi. Bwl turadı Al Masdar News agenttigi habarlaydı.

Resmi wyımdar tarapınan mälimdelgen habarlamalarğa qarağanda, atalğan mektepterde balalardı qaru qoldanuğa üyretip, ekstremistik ideyalar men islamnıñ radikal'dı tüsinikterin boylarına siñiredi. Osınday «oqu orındarınıñ» biriniñ qabırğasınan DAIŞ-tıñ dini wrandarı men negizinen osı wyım tarapınan qoldanılatın sözder tabılğan. Bwl jerdegi balalar "oquların" bitirgennen keyin äskeri dayındıq üşin arnayı lager'lerge jiberiletin körinedi.

Sonımen qatar, terrorister mekteptegi kitaphananı jauıp, onıñ sörelerine tek arnayı tañdalıp alınğan ekstremistik mändegi ädebietterdi ornalastırğan. Bwdan bwrınğı habarlarımızda, 1 mausım küni reseylik äskerilerdiñ Süriyanıñ Tallaf qalasınan «Hayyat Tahrir äş-Şam» terrorlıq tobınıñ jerastı bazasın tapqanı turalı jazğan edik. Sonımen qatar, BWW-ğa qarastı YUNISEF qorınıñ tañbaları bar däri-därmek qoymasınıñ da äşkerelengenin habarlağanbız. Endi terroristerdi dayındaytın osınday «oqu orındarı» bar ekendigi habar tarağalı beri, halıqaralıq wyımdar özderiniñ alañdauşılıqtarın bildirude.

 “The Qazaq Times”