ءسۇريادا بالالاردى تەرروريزمگە باۋليتىن «مەكتەپتەر» بار بولىپ شىقتى

ءسۇريا  ۇكىمەتتىك اسكەريلەرى ەل تەرريتورياسىنان تەررورلىق «مەكتەپتەر» تاپقاندارى تۋرالى رەسمي تۇردە مالىمدەدى. بۇل تۋرادى Al Masdar News اگەنتتىگى حابارلايدى.

رەسمي ۇيىمدار تاراپىنان مالىمدەلگەن حابارلامالارعا قاراعاندا، اتالعان مەكتەپتەردە بالالاردى قارۋ قولدانۋعا ۇيرەتىپ، ەكسترەميستىك يدەيالار مەن يسلامنىڭ راديكالدى تۇسىنىكتەرىن بويلارىنا سىڭىرەدى. وسىنداي «وقۋ ورىندارىنىڭ» ءبىرىنىڭ قابىرعاسىنان دايش-تىڭ ءدىني ۇراندارى مەن نەگىزىنەن وسى ۇيىم تاراپىنان قولدانىلاتىن سوزدەر تابىلعان. بۇل جەردەگى بالالار "وقۋلارىن" بىتىرگەننەن كەيىن اسكەري دايىندىق ءۇشىن ارنايى لاگەرلەرگە جىبەرىلەتىن كورىنەدى.

سونىمەن قاتار، تەرروريستەر مەكتەپتەگى كىتاپحانانى جاۋىپ، ونىڭ سورەلەرىنە تەك ارنايى تاڭدالىپ الىنعان ەكسترەميستىك ماندەگى ادەبيەتتەردى ورنالاستىرعان. بۇدان بۇرىنعى حابارلارىمىزدا، 1 ماۋسىم كۇنى رەسەيلىك اسكەريلەردىڭ ءسۇريانىڭ تاللاف قالاسىنان «حايات تاحرير ءاش-شام» تەررورلىق توبىنىڭ جەراستى بازاسىن تاپقانى تۋرالى جازعان ەدىك. سونىمەن قاتار، بۇۇ-عا قاراستى يۋنيسەف قورىنىڭ تاڭبالارى بار ءدارى-دارمەك قويماسىنىڭ دا اشكەرەلەنگەنىن حابارلاعانبىز. ەندى تەرروريستەردى دايىندايتىن وسىنداي «وقۋ ورىندارى» بار ەكەندىگى حابار تاراعالى بەرى، حالىقارالىق ۇيىمدار وزدەرىنىڭ الاڭداۋشىلىقتارىن بىلدىرۋدە.

 “The Qazaq Times”