DAIŞ sodırları balalardı wrlap ketken äl-Hol bosqındar lageri. Foto: VOA.

Özderin «Islam memleketi» dep atağan lañkestik topqa qarsı soğısqan halıqaralıq koaliciya eki jıl bwrın Irak pen Süriya jerinde jeñiske jetkenin mälimdegen. Soğan qaramastan terrorlıq wyımnıñ qaldıq küşteri özderiniñ belsendiligin toqtatqan emes. Pandemiya jağdayınan paydalanıp qarulı lañkestik top küş jinap, qatarına jaqtastarın köbeytuge tırısti äri is-qimıl ädisterine de özgerister engizdi.

Jaqında DAIŞ sodırları wl balalar men jas öspirimderdi Süriyanıñ şığısındağı qwmdı dalada jauıngerlik jattığudan ötkizip jatqanı turalı habarlar taradı. Mälimetterge qarağanda bwl balalar men jasöspirimderdi Süriyanıñ soltüstik-şığısındağı bosqındar lagerinen wrlap aparğan.

Bwğan qatıstı mälimetti Süriya men Iraktağı operaciyalarına jauaptı AQŞ Qorğanıs ministrliginiñ bas inspektorı seysenbide jariyalağan. Ol mälimetter boyınşa AQŞ- tıñ äskeri barlau derekterine silteme jasağan.

Süriyanıñ soltüstik-şığısındağı bosqındar lagerleri AQŞ qoldaytın Süriya demokratiyalıq küşteriniñ baqılauında. Soğan qaramastan DAIŞ öz jaqtastarınıñ qatarın tolıqtıruda bosqındar lagerin bastı nısana etken.

“The Qazaq Times”