Foto: inform.kz

Qazaqstanda meningitke qarsı karantin jariyalanbaydı. Bwl turalı densaulıq saqtau ministri Eljan Birtanov mälimdedi. Onıñ sözinşe, meningit öte qauipti auru. Söyte twra, eldiñ dürliguine eş sebep joq eken.

"Biz meningit jwqtırıp, odan qaza tauıp jatqan nauqastar turalı aqparattı joqqa şığarmaymız. Alayda karantin jariyalaytınday qauip joq. Öytkeni, atalğan auruğa şaldıqqan adamdar sanı qalıptı deñgeyden aspadı. Otandastarımızğa sabır saqtap, därigerlerge twraqtı türde qaralıp twruın keñes etemiz" - dedi, Birtanov.

Osı twsta, vedomstvo basşısı jıl basınan beri Qazaqstanda 58 adamnıñ meningitke şaldıqqanın ayttı. 12 nauqas qauipti aurudan köz jwmıptı.  Onıñ 5-eui 4 jasqa tolmağan balalar.

Odan bölek, qazir 4 mıñnan asa adam osı auruğa arsı em qabıldap jatır eken. Ministr ekpe qwnı şınında qımbat ekenin jasırmadı. Alayda atalğan däri tegin taratılmaydı dep kesip ayttı.

Beybit künde atı jaman aurudan ajal qwşıp jatqanda, ministrliktiñ eldi sabırğa şaqırumen ğana şektelip otırğanı - äleumettik jeli qoldanuşılarınıñ narazılığın tudırdı. Sonda Qazaqstanda meningitke baylanıstı karantin jariyalanu üşin tağı qanşa adam qaza tabuı kerek? Vedomstvo qazirden bastap qamdanudıñ ornına, äliptiñ artın bağıp otır ma? Bälkim olarğa marqwm bolğan adamdar äli de azdıq etetin şığar? Tım bolmasa, aqılı ekpeni büldirşinderge tegin saluğa bolmas pa edi?

Jauabı joq saual köp. Biraq osılardıñ eşbirine elimizdegi densaulıq saqtau salasına jauaptı adamnıñ jauap bere almas anıq...

“The Qazaq Times”