فوتو: inform.kz

قازاقستاندا مەنينگيتكە قارسى كارانتين جاريالانبايدى. بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ مالىمدەدى. ونىڭ سوزىنشە، مەنينگيت وتە قاۋىپتى اۋرۋ. سويتە تۇرا، ەلدىڭ دۇرلىگۋىنە ەش سەبەپ جوق ەكەن.

ء"بىز مەنينگيت جۇقتىرىپ، ودان قازا تاۋىپ جاتقان ناۋقاستار تۋرالى اقپاراتتى جوققا شىعارمايمىز. الايدا كارانتين جاريالايتىنداي قاۋىپ جوق. ويتكەنى، اتالعان اۋرۋعا شالدىققان ادامدار سانى قالىپتى دەڭگەيدەن اسپادى. وتانداستارىمىزعا سابىر ساقتاپ، دارىگەرلەرگە تۇراقتى تۇردە قارالىپ تۇرۋىن كەڭەس ەتەمىز" - دەدى، ءبىرتانوۆ.

وسى تۇستا، ۆەدومستۆو باسشىسى جىل باسىنان بەرى قازاقستاندا 58 ادامنىڭ مەنينگيتكە شالدىققانىن ايتتى. 12 ناۋقاس قاۋىپتى اۋرۋدان كوز جۇمىپتى.  ونىڭ 5-ەۋى 4 جاسقا تولماعان بالالار.

ودان بولەك، قازىر 4 مىڭنان اسا ادام وسى اۋرۋعا ارسى ەم قابىلداپ جاتىر ەكەن. مينيستر ەكپە قۇنى شىنىندا قىمبات ەكەنىن جاسىرمادى. الايدا اتالعان ءدارى تەگىن تاراتىلمايدى دەپ كەسىپ ايتتى.

بەيبىت كۇندە اتى جامان اۋرۋدان اجال قۇشىپ جاتقاندا، مينيسترلىكتىڭ ەلدى سابىرعا شاقىرۋمەن عانا شەكتەلىپ وتىرعانى - الەۋمەتتىك جەلى قولدانۋشىلارىنىڭ نارازىلىعىن تۋدىردى. سوندا قازاقستاندا مەنينگيتكە بايلانىستى كارانتين جاريالانۋ ءۇشىن تاعى قانشا ادام قازا تابۋى كەرەك؟ ۆەدومستۆو قازىردەن باستاپ قامدانۋدىڭ ورنىنا، ءالىپتىڭ ارتىن باعىپ وتىر ما؟ بالكىم ولارعا مارقۇم بولعان ادامدار ءالى دە ازدىق ەتەتىن شىعار؟ تىم بولماسا، اقىلى ەكپەنى بۇلدىرشىندەرگە تەگىن سالۋعا بولماس پا ەدى؟

جاۋابى جوق ساۋال كوپ. بىراق وسىلاردىڭ ەشبىرىنە ەلىمىزدەگى دەنساۋلىق ساقتاۋ سالاسىنا جاۋاپتى ادامنىڭ جاۋاپ بەرە الماس انىق...

“The Qazaq Times”