Foto: 24heures.ch

Wlıbritaniya parlamenti İİM Sadjid Djavidti Resey Federaciyasın halıqaralıq qılmıstıq policiya wyımı «Interpoldıñ» mälimetter bazasınan şekteuge şaqırdı. Bwl turalı britandıq «The Telegraph» basılımı habarlaydı.

Parlament müşeleriniñ mälimetterinşe, Resey Interpoldıñ arqasında «Hermitage Capital» qorınıñ negizin saluşı Uil'yam Brauderdi qolğa tüsiruge tırısqan. Olardıñ İİM-ne ündeu jasaularına Brauderdiñ Madridte ispaniyalıq qwqıq qorğauşılar tarapınan twtqındaluı sebep bolğan.

Ispaniyalıq qwqıq qorğauşılar bwdan bwrın Reseydiñ ötinişimen twtqındalğan «Hermitage Capital» investiciyalıq qorınıñ basşısı, britaniyalıq qarjıger Uil'yam Brauderdi bosatqan edi. Bwdan bwrın, Reseyde «Putinniñ №1 dwşpanı» dep atalıp ketken Uil'yam Brauderdiñ Madridte qolğa tüsirilgeni turalı habar tarağan edi. Esteriñizge salsaq, 2013 jıldıñ 11 mausımında Mäskeu Uil'yam Brauderdi salıqtardı töleuden jaltardı dep ayıptap, oğan 9 jılğa bas bostandığınan ayıru turalı sırttay şeşim şığarğan edi. Endi osı mäsele Reseydiñ Interpol siyaqtı halıqaralıq bedeldi wyımnan tıs qaluına kesirin tigizui mümkin.

“The Qazaq Times”