بريتانيا پارلامەنتى رەسەيدى ينتەرپولدان شىعارۋعا ۇسىنىس جاسادى

ۇلىبريتانيا پارلامەنتى ءىىم سادجيد ءدجاۆيدتى رەسەي فەدەراتسياسىن حالىقارالىق قىلمىستىق پوليتسيا ۇيىمى «ينتەرپولدىڭ» مالىمەتتەر بازاسىنان شەكتەۋگە شاقىردى. بۇل تۋرالى بريتاندىق «The Telegraph» باسىلىمى حابارلايدى.

پارلامەنت مۇشەلەرىنىڭ مالىمەتتەرىنشە، رەسەي ينتەرپولدىڭ ارقاسىندا «Hermitage Capital» قورىنىڭ نەگىزىن سالۋشى ۋيليام براۋدەردى قولعا تۇسىرۋگە تىرىسقان. ولاردىڭ ءىىم-نە ۇندەۋ جاساۋلارىنا براۋدەردىڭ مادريدتە يسپانيالىق قۇقىق قورعاۋشىلار تاراپىنان تۇتقىندالۋى سەبەپ بولعان.

يسپانيالىق قۇقىق قورعاۋشىلار بۇدان بۇرىن رەسەيدىڭ وتىنىشىمەن تۇتقىندالعان «Hermitage Capital» ينۆەستيتسيالىق قورىنىڭ باسشىسى، بريتانيالىق قارجىگەر ۋيليام براۋدەردى بوساتقان ەدى. بۇدان بۇرىن، رەسەيدە «ءپۋتيننىڭ №1 دۇشپانى» دەپ اتالىپ كەتكەن ۋيليام براۋدەردىڭ مادريدتە قولعا تۇسىرىلگەنى تۋرالى حابار تاراعان ەدى. ەستەرىڭىزگە سالساق، 2013 جىلدىڭ 11 ماۋسىمىندا ماسكەۋ ۋيليام براۋدەردى سالىقتاردى تولەۋدەن جالتاردى دەپ ايىپتاپ، وعان 9 جىلعا باس بوستاندىعىنان ايىرۋ تۋرالى سىرتتاي شەشىم شىعارعان ەدى. ەندى وسى ماسەلە رەسەيدىڭ ينتەرپول سياقتى حالىقارالىق بەدەلدى ۇيىمنان تىس قالۋىنا كەسىرىن تيگىزۋى مۇمكىن.

“The Qazaq Times”