Bügin Almatıda 1931-1933 jıldarğı aşarşılıq qwrbandarınıñ eskertkişine gül şoqtarı qoyıldı. Atalğan şarağa qoğam qayratkerleri, repressiya men aşarşılıq qwrbandarınıñ wrpaqtarı, ükimettik emes wyımdardıñ ökilderi jäne qala jastarı qatıstı.
Almatı äkimi Bauırjan Baybek bıltır memleket basşısınıñ tapsırmasımen qala ortalığında aşarşılıq qwrbandarına eskertkiş ornatılğanın aytıp, erekşe müsinde - qolına arıp-aşqan, ölimşi häldegi balasın wstağan ana beynesindegi qazaq halqınıñ auır tağdırı beynelengenin atap ötti.
Foto: Almatı qalası äkimdiginiñ baspasöz qızmeti
«Tarihtıñ şerli ünin jetkizgen bwl eskertkiş – qalamızdıñ kieli nısandar tizimine endi. Bwl – Elbası atap ötkendey, «aşarşılıqta qwrban bolğan milliondardıñ ruhına bügingi buınnan tağzım jäne keler wrpaq ata-babalarınıñ qanday qasiretterdi bastan ötkergenin bilip jüruine qajet tağılım», - dedi Bauırjan Baybek.
Ol sol bir qasiretti jıldarı qazaq halqınıñ öz eñsesin tik köterip qana qoymay, qazaq topırağına jer audarılğan özge wlt ökilderin bauırına tartıp, qamqorlığına alğanın atap ötti.
Foto: Almatı qalası äkimdiginiñ baspasöz qızmeti
Eske salsaq, bıltır «Qarağaylı» sayabağında 1931-1933 jıldardağı aşarşılıq qwrbandarına eskertkiş ornatılğan bolatın. Biiktigi üş metrlik qola men granitten qwyılğan müsinde aştıqtan ölimşi bolğan balasın keudesine basqan ana beynelengen.
Qazaqstanda 1918 jıldan 1933 jıldar işinde türli mälimetter boyınşa 3 millionnan astam adam jappay qırılğan. Onıñ jartısınan astamı 1931-1933 jıldardağı aqjem aşarşılıq kezinde şeyit bolğandar. Al 1937-1938 jıldarı 100 mıñnan astam qazaqstandıq köz jwmdı.
Şerzattıñ ölimi isine qatıstı qwpiya videonı jariyalau kimge kerek boldı? – Sarapşılar media sını
24 qazan – Kitaphanaşılar merekesi qwttı bolsın!
«Uçaskeden äruaqqa kök hat»: Almatıda marqwmğa kelgen şaqırtu
Komissiya men baqılauşı esebindegi ayırmaşılıq: Almatıda referendum qalay ötip jatır?
"Ädil Qazaqstan, estitin memleket" endi advokattarğa qısım jasay bastadı ma?
«Psevdo-bayqauşı» älde käsibi baqılauşı: Referendumdı kim baqılaydı?
