Halıqtıñ 95 payızı azıq-tülik tapşılığın körip otır. Foto: BBC

Auğanstan katastrafanıñ aldında twr. Eldegi äleumettik jağday kün sayın naşarlap, ekonomika tolıqtay küyregen. BWW esebinşe halıqtıñ 95 payızı azıq-tüliktiñ tapşılığın tartıp otır, jalpı esepte 23 mln auğanstandıq aştıqqa wşırauda.

AQŞ bastağan birqatar Batıs elderi qoldağan ükimet tamız ayında qwlatılıp, «Taliban» wyımı bilikti soğıssız basıp aldı. Auğan jerine tälipterdiñ ekinşi ret bilik ornatqanına 100 künnen astı, bwl twsta Auğanstan asa qauipti dağdarıstıñ aldında twr.

Mektep, emhana, ükimettik jäne türli äleumettik mekemeler derliktey jwmıskerlerine aylıq bere almağanına birneşe ay bolğan. Bwnday jağdaydı öz közimen körgen BBC-diñ jurnalisi YAlda Hakim eldegi jağdaydı «qorqınıştı» dep suretteydi. Onıñ aytuınşa birqatar ortalıq qalalardağı emhanalarda därigerler jalaqısız jwmıs istegenine wzaq uaqıt bolğan. Olar jwmısqa barıp-keluge aqşaları joq bolsa da jayaulap jürip erikti türde jwmıs istep keledi.

Halıqaralıq wyımdardan keletin kömekterdiñ qısqaruınan emhanalardağı aurulardıñ jağdayı tipten qiındağan. Infekciyanıñ taraluı äli de qarqındı küyinde twr. Az tamaqtanudan auruğa qarsılıq quatı azayğan sırqat adamdar şarasız küyde, mine osınıñ bäri YAlda Hakimniñ arnayı reportajında aytıldı.

Eldegi qazirgi jağdayğa baylanıstı tälipter Batıs elderi men halıqaralıq qauımdastıqtı ayıptaydı.  Aytalıq, «Taliban» ökilderiniñ biri Suhali Şahin Batıs elderiniñ äreketi Auğanstandı osınday müşkil küyge tüsirdi dep sanaydı. Ol sözinde: «Eger olar bwl el küyreu aldında, äleumettik dağdarıs aldında ne aşarlıq aldında twr dep jatqan bolsa onda osı boyınşa şara köruleri, tragediyanıñ aldın aluğa äreket etu solardıñ jauapkerşiliginde», –degen.

Ärine, tälip ökiliniñ aytıp jatqanın tolıqtay teriske şığaru qiın. Belgili deñgeyde Auğanstannıñ qazirgidey küyge tüsuine ondağı türli procesterge aralasqan elderdiñ jauapkerşiligi bar. Qalay degen künde de qazir Auğanstanda millondağan beybit twrğın aştıq aldında, ülken ümitsizdik pen torığıstıñ işinde jasap jatır.

The Qazaq Times