2018 jıldıñ naurız ayında Birıñğay jinaqtauşı zeynetaqı qorı men «Qazpoşta» akcionerlik qoğamı arasında ıntımaqtastıq jäne Şaralar josparı turalı Memorandumğa qol qoyıldı. Osı Memorandum ayasında zeynetaqı qızmetterin BJZQ bölimşeleri joq şalğay audandarda «Qazpoşta» AQ bölimşeleri arqılı körsetu josparlanuda. Bwl jobanı jüzege asıru josparı äzirlengen. Tehnikalıq mäseleler şeşilip, «Qazpoşta» AQ qızmetkerler qwramı oqıtılğan soñ, transfer-agenttik qızmetter kezeñ-kezeñ boyınşa eñ aldımen ekonomikalıq jağınan belsendi twrğındarınıñ sanı 5 mıñnan asatın 24 eldimekende, keyin jıl soñına deyin twrğındar sanı 2 mıñnan 5 mıñ adamğa deyin baratın 70 eldimekende körsetiletin boladı

Sonday-aq, 2018 jıldıñ 4 ayı işinde salımşılar men aluşılardıñ zeynetaqı şottarına eseptelgen taza investiciyalıq tabıs soması 169,3 mlrd teñge boldı. Bwl körsetkiş ötken jıldıñ säykes kezeñimen salıstırğanda 83 payızdan joğarı. Jıldıq twrğıdan alıp qarağanda Qordıñ zeynetaqı aktivteriniñ tabıstılığı 2017 jıldıñ 1 mamırı men 2018 jıldıñ 1 mamırı aralığında 8,8 payızdı qwradı. Al bwl kezeñde inflyaciya deñgeyi 6,5 payız boldı.

2018 jıldıñ 1 mamırına qaray zeynetaqı jinaqtarınıñ jalpı soması 8,13 trillion teñgeni qwrap, bir jıl işinde (2017 j. säuiri – 2018 j. säuiri) 1,21 trln teñgege arttı. Ösim 17,5 payızdı qwradı.

Ağımdağı jıldıñ 1 mamırına qaray şarttardıñ barlıq türi boyınşa salımşılardıñ (aluşılardıñ) jeke zeynetaqı şottarınıñ (JZŞ) sanı 10 millionnan astı. Onıñ işinde mindetti zeynetaqı jarnaları (MZJ) esebinen aşılğan şottar 9,6 mln birlik boldı. Mindetti käsiptik zeynetaqı jarnaların (MKZJ) esepke alu boyınşa salımşılardıñ (aluşılardıñ) JZŞ sanı 452 mıñnan astam birlikti, al erikti zeynetaqı jarnaları (EZJ) boyınşa şamamen 38 mıñ birlikti qwradı.

Ağımdağı jıldıñ tört ayı işinde zeynetaqı jarnaları boyınşa tüsimderdiñ jalpı soması 266 mlrd teñgeden astı. Ötken jıldıñ säykes kezeñinde tüsimder 240 mlrd teñgeni qwrağan bolatın. Säykesinşe ösim 11 payızğa jetip otır. 2018 jıldıñ 1 mamırında qaray BJZQ-dan tölengen zeynetaqı tölemderiniñ soması jıl basınan beri 83,03 mlrd teñge, onıñ işinde saqtandıru wyımdarına jasalğan audarımdar 5,7 mlrd teñge boldı.

«Derbes zeynetaqı josparları mädenietin qalıptastıru» mindetin orındau ayasında 2018 jıldıñ säuir ayında Qor salımşılar men aluşılarğa jeke keñes beru qızmetin iske qostı. «BJZQ» AQ filialdarı bir ay işinde  zeynetaqını josparlau mäseleleri boyınşa 27 260 jeke aqıl-keñes (konsul'taciya) berdi. Bwl rette keñes beru şaralarınıñ basım böligi Almatı qalalıq filialı (5 282, bwl jalpı sannıñ 20 payızın qwraydı) men Oñtüstik Qazaqstan oblıstıq filialında (4 056 nemese 15%) ötkizildi.

“The Qazaq Times”