Iran. Foto: Time.

AQŞ-tıñ Halıqaralıq din bostandığı jönindegi elşisi Braun Beyker seysenbi küni AQŞ Memlekettik departamentine Iran turalı bayandama jasap, tañqalarlıq derekterdi ortağa saldı. Ol Iran ükimetinde şit emes mwsılmandar men islam dinine senbeytin el azamattarın quğın-sürginge wşırap jatqanın mälimdedi. Bwl turalı VOA News habarladı.

Braun Beyker atalğan mälimetterdi Memlekettik departamentke 2017 jılğı Dini senim bostandığı turalı halıqaralıq esepte körsetti. Atalğan bayandamanıñ Iran turalı esebinde, şit mwsılmandarınıñ qolındağı rejim «Qwdayğa qarsı dwşpandıq» jeleuinde küresti jalğastıruda. Mälimette, «Qwdayğa qarsı dwşpandıq qılğanı üşin» bıltır jeltoqsanda El'-Bulli provinciyasında 4 adamnıñ, qırküyekte Kerman oblısında tört adamnıñ ölim jazasına kesilgeni aytılğan.

AQŞ Memlekettik departamentine jasalğan bayandamada: «Tehran (Tegeran) biligi sol eldegi sünnit, hristian jäne özge de dini azşılıqtardı qudalau, tergeuge, qamauğa aludı jalğastıruda», –  delindi. Sonday-aq, resmi sözderde antisemitizmdi aşıq uağızdağanın ayıptadı.

Soñğı kezdegi şielenise tüsken AQŞ-Iran jağdayı ükimetter arasındağı kezektesken ayıptaular men sınğa alu, söguge wlasuda.

“The Qazaq Times”