يران. فوتو: Time.

اقش-تىڭ حالىقارالىق ءدىن بوستاندىعى جونىندەگى ەلشىسى براۋن بەيكەر سەيسەنبى كۇنى اقش مەملەكەتتىك دەپارتامەنتىنە يران تۋرالى بايانداما جاساپ، تاڭقالارلىق دەرەكتەردى ورتاعا سالدى. ول يران ۇكىمەتىندە شيت ەمەس مۇسىلماندار مەن يسلام دىنىنە سەنبەيتىن ەل ازاماتتارىن قۋعىن-سۇرگىنگە ۇشىراپ جاتقانىن مالىمدەدى. بۇل تۋرالى VOA News حابارلادى.

براۋن بەيكەر اتالعان مالىمەتتەردى مەملەكەتتىك دەپارتامەنتكە 2017 جىلعى ءدىني سەنىم بوستاندىعى تۋرالى حالىقارالىق ەسەپتە كورسەتتى. اتالعان باياندامانىڭ يران تۋرالى ەسەبىندە، شيت مۇسىلماندارىنىڭ قولىنداعى رەجيم «قۇدايعا قارسى دۇشپاندىق» جەلەۋىندە كۇرەستى جالعاستىرۋدا. مالىمەتتە، «قۇدايعا قارسى دۇشپاندىق قىلعانى ءۇشىن» بىلتىر جەلتوقساندا ەل-بۋللي پروۆينتسياسىندا 4 ادامنىڭ، قىركۇيەكتە كەرمان وبلىسىندا ءتورت ادامنىڭ ءولىم جازاسىنا كەسىلگەنى ايتىلعان.

اقش مەملەكەتتىك دەپارتامەنتىنە جاسالعان باياندامادا: «تەھران (تەگەران) بيلىگى سول ەلدەگى ءسۇننيت، حريستيان جانە وزگە دە ءدىني ازشىلىقتاردى قۋدالاۋ، تەرگەۋگە، قاماۋعا الۋدى جالعاستىرۋدا»، –  دەلىندى. سونداي-اق، رەسمي سوزدەردە انتيسەميتيزمدى اشىق ۋاعىزداعانىن ايىپتادى.

سوڭعى كەزدەگى شيەلەنىسە تۇسكەن اقش-يران جاعدايى ۇكىمەتتەر اراسىنداعى كەزەكتەسكەن ايىپتاۋلار مەن سىنعا الۋ، سوگۋگە ۇلاسۋدا.

“The Qazaq Times”