Foto: liberation.fr

Aldın ala jasalğan kelisim boyınşa, AQŞ prezidenti Donal'd Tramp pen KHDR basşısı Kim Joñ In 12 mausımda Singapurde kezdespekşi bolğan. Alayda, osı tarihi kezdesu belgilengennen beri eki el basşılarınıñ kezdesulerine qatıstı tartıs tolastamay twr.

Bwğan deyin KHDR, eger AQŞ «zañsız äri öreskel äreketterin» toqtatpasa, osı kezdesuge baylanıstı şeşimin äli qarastıratının mälimdegen edi. Bwl turalı bügin tağı KHDR-dıñ Sırtqı ister ministriniñ orınbasarı Çio Son Hi de mälimdeme jasadı.

«AQŞ prezidenti KHDR basşısı Kim Joñ Inmen kezdese me, älde bizben yadrolıq teketireste qaqtığısa ma — bwnıñ barlığı AQŞ prezidentiniñ şeşimi men äreketine baylanıstı», - dedi ol.

Eske salayıq, Soltüstik Koreya Oñtüstik Koreyamen 16 mamırğa josparlanğan kezdesuden bas tartqan edi. Oğan sebep — AQŞ pen Oñtüctik Koreyanıñ äskeri josparları men äreketteri edi. Keyinnen, KHDR basşılığı osı sebepke baylanıstı Kim Joñ In men Donal'd Tramptıñ kezdesui de bolmauı mümkin degen edi.

“The Qazaq Times”