Foto: Press.lv

Euroodaq sankciya mäselesinde AQŞ-pen kelispedi.

Mamır ayınıñ 21-i küni AQŞ memlekettik hatşısı Mayk Popeonıñ: «Iran rejimine qarsı tarihta bolmağan sankciyalar salınatın boladı» -degen mälimdemesinen keyin, Euroodaqtıñ Sırtqı sayasat jäne sayasi qauipsizdik mäseleleri boyınşa resmi ökili Federika Mogerini AQŞ pen Iran arasındağı teketireske baylanıstı mälimdeme jasadı. Onda ol: «Iranmen aradağı yadrolıq kelisim halıqaralıq qauımdastıqqa tiesili. Onı Birikken Wlttar Wyımınıñ Qauipsizdik keñesi maqwldağan. Eroodaq Tehranmen bwrınğı yadrolıq kelisim ayasında jwmıs isteydi» - dep mälimdegen.

Federika Mogerinidiñ bwl mälimdemesin Germaniya sırtqı ister ministri Hayko Masta qoldağan. Ol öz sözinde: «Iran yadrolıq kelisimi mañayında bolıp jatqan dünieler Germaniya men Euroodaqtıñ qauipsizdigine tikeley qatıstı. Biz yadrolıq kelisim ayasında jwmıs isteudi qoldaymız» - degen.

Biraq Euroodaq pen Germaniyanıñ bwl közqarastarın Izrail' prem'er-ministri Bin'yamin Netan'yahu qoldamadı. Onıñ sözinşe, AQŞ-tıñ Iranğa qatıstı jasap jatqan qadamdarı dwrıs. Bwl qadamdar aymaq tınıştığı men qauipsizdigine oñ ıqpal etedi.

Esteriñizge salayıq, mamır ayınıñ basında AQŞ prezidenti Donal'd Tramp Irandı «terroristerdi qoldap otır jäne osı uaqıtqa deyin yadrolıq bomba jasauın toqtatqan joq» - dep ayıptap, «yadrolıq kelisiminen» şığatındığın mälimdegen.

“The Qazaq Times”