Foto: sana.sy

Mäjilis deputattarı "Dini qızmet jäne dini birlestikter" turalı zañ jobasına engizilgen özgeristerdi birinşi oqılımda maqwldadı. Bwl turalı sputniknews.kz habarladı.

Osığan deyin, zañğa engiziletin özgerister qoğamnıñ qızu talqısına tüsken edi. Mäjilistiñ jalpı otırısında din isteri jäne azamattıq qoğam ministri Darhan Käletaev jaña zañ jobası - memlekettiñ qauipsizdigi men twraqtılığı üşin auaday qajet dedi. Sonday-aq ol "destruktivti dini ağım" jäne "dini radikalizm" degen jaña wğımdar qoldanısqa engiziletinin ayttı.

Jaña zañ jobası bekitilse, onda din salasındağı ädebine baylanıstı memlekettik qızmetşilerge birqatar talap qoyılmaq. Mäselen, olar endi öziniñ qızmettik mümkindikterin dini birlestikterdiñ müddelerine paydalanbaydı, özine bağınıstağı qızmetşilerdi dini qızmetke mäjbürlemeydi jäne dini birlestikti qwrıp, oğan müşe bola almaydı.

Sonımen qatar, kämeletke tolmağandardı dini qızmetke zañsız tartudan qorğau deñgeyi küşeyedi. Balalar men jasöspirimderdi ata-analarınıñ nemese zañdı ökilderiniñ kelisiminsiz dini salt-joralarğa tartuğa bolmaydı.

“The Qazaq Times”