ءماجىلىس دەپۋتاتتارى ء"دىني قىزمەت جانە ءدىني بىرلەستىكتەر" تۋرالى زاڭ جوباسىنا ەنگىزىلگەن وزگەرىستەردى ءبىرىنشى وقىلىمدا ماقۇلدادى. بۇل تۋرالى sputniknews.kz حابارلادى.

وسىعان دەيىن، زاڭعا ەنگىزىلەتىن وزگەرىستەر قوعامنىڭ قىزۋ تالقىسىنا تۇسكەن ەدى. ءماجىلىستىڭ جالپى وتىرىسىندا ءدىن ىستەرى جانە ازاماتتىق قوعام ءمينيسترى دارحان كالەتاەۆ جاڭا زاڭ جوباسى - مەملەكەتتىڭ قاۋىپسىزدىگى مەن تۇراقتىلىعى ءۇشىن اۋاداي قاجەت دەدى. سونداي-اق ول "دەسترۋكتيۆتى ءدىني اعىم" جانە ء"دىني راديكاليزم" دەگەن جاڭا ۇعىمدار قولدانىسقا ەنگىزىلەتىنىن ايتتى.

جاڭا زاڭ جوباسى بەكىتىلسە، وندا ءدىن سالاسىنداعى ادەبىنە بايلانىستى مەملەكەتتىك قىزمەتشىلەرگە بىرقاتار تالاپ قويىلماق. ماسەلەن، ولار ەندى ءوزىنىڭ قىزمەتتىك مۇمكىندىكتەرىن ءدىني بىرلەستىكتەردىڭ مۇددەلەرىنە پايدالانبايدى، وزىنە باعىنىستاعى قىزمەتشىلەردى ءدىني قىزمەتكە ماجبۇرلەمەيدى جانە ءدىني بىرلەستىكتى قۇرىپ، وعان مۇشە بولا المايدى.

سونىمەن قاتار، كامەلەتكە تولماعانداردى ءدىني قىزمەتكە زاڭسىز تارتۋدان قورعاۋ دەڭگەيى كۇشەيەدى. بالالار مەن جاسوسپىرىمدەردى اتا-انالارىنىڭ نەمەسە زاڭدى وكىلدەرىنىڭ كەلىسىمىنسىز ءدىني سالت-جورالارعا تارتۋعا بولمايدى.

“The Qazaq Times”