Foto: avtordıñ FB paraqşasınan alındı

Dünie jüzinde jeti mıñnan astam til bar. Onıñ şamamen toqsan bes payızında älem halqınıñ bar bolğanı tört-aq payızı söyleydi. Eki jarım mıñday tilge joyılıp ketu qaupi tönip twr. Onıñ işinde türki tilderi de bar.

Al qazaq tili soñğı şirek ğasırda söyleuşi sanı boyınşa da, instituttıq qoldau boyınşa da tizim basındağı qayta jañğırğan, belsendi tilderdiñ tobına kirdi. Tek mädeni-otbasılıq qatınas qwralı emes, twtınuşı tiline aynala bastadı. Birtindep negizgi qoldanu keñistigi - Qazaqstanda ekonomika, sauda men biznes salalarında da poziciyası küşeye bermek. Mwnı qasaqana qasarısıp bayqağısı kelmeytin adamdar mädeni-lingvistikalıq plyuralizmdi moyındamasa, twtınuşınıñ konstituciyada bekitilgen öz tilinde qızmet talap etu haqın sıylamasa, bäsekege qabiletsiz top retinde qoğamnıñ da, narıqtıñ da şetine şığıp qaladı.

Qazaq tilin qayta jañğırtuğa, belsendi türde qoldanuğa şaqırıp jürgen azamattardıñ da nazarın bir jaytqa audarğım keledi. Osınşama qiındıqtan ötip, twraqtı damuğa äreñ qol jetkizgen bwl til örisi tar wltşıldıq pen öresi tayaz populizmniñ tiline aynalmauı kerek. Örkenietti azamattıq qoğamnıñ, demokratiyalıq dästürdiñ, täuelsiz sottıñ, erkin BAQ-tıñ, tereñ ğılımnıñ, biik önerdiñ tiline aynaluı tiis. Bwl iske şama-şarqımız jetkenşe ärqaysımız öz salamızda üles qossaq, eldik qasiet äri azamattıq parız degen sol boladı.

“The Qazaq Times”