QR Din isteri jäne azamattıq qoğam ministri Darhan Käletaev, Qazaqstan mwsılmandarı dini basqarmasınıñ törağası, Bas müfti Serikbay qajı Oraz

Bügin, 2018 jılğı 9 säuir küni QR Din isteri jäne azamattıq qoğam ministri Darhan Käletaev Qazaqstan mwsılmandarı dini basqarmasınıñ törağası, Bas müfti Serikbay qajı Orazben kezdesti dep habarladı QR Din isteri jäne azamattıq qoğam ministrliginiñ baspasöz qızmeti.

Kezdesu barısında Din isteri jäne azamattıq qoğam ministrligi men Qazaqstan mwsılmandarı dini basqarmasınıñ arasındağı ıntımaqtastıq mäseleleri talqılanıp, dinaralıq kelisimdi nığaytu jäne azamattardıñ ar-ojdan qwqıqtarın jüzege asıru mäseleleri qaraldı.

Darhan Käletaev imamdardıñ, dintanuşılardıñ jäne sarapşılardıñ qatısuımen aqparattıq tüsindiru jwmıstarın jetildiru boyınşa birlesken jwmıstı jalğastıru qajettigin atap ötti.

Sonımen qatar, ministr din salasındağı ğalımdar men şığıstanuşılardıñ tarihi mwranı jäne dästürli islamnıñ wlttıq mädenietpen baylanısın zertteuge arnalğan arnayı jwmıs tobınıñ qızmetine jäne memlekettik damudıñ zayırlı principterine negizdelgen ideologiyanı qalıptastırudağı islam dininiñ jağımdı rölin qalıptastıru bağıtındağı jwmıstarğa qoldaubildiretinin jetkizdi.

Al, Bas müfti Serikbay qajı Oraz öz kezeginde Darhan Käletaevtı ministr qızmetine tağayındaluımen qwttıqtap, aldağı jwmısına tabıs tiledi.

Kezdesu qorıtındısı boyınşa taraptar din salasındağı memlekettik sayasattı jüzege asıruda tığız ıntımaqtastıqqa dayın ekendikterin ayttı.

“The Qazaq Times”