RF SİM basşısı. Foto: IRNA.

Resey SİM basşısı Sergey Lavrov Batıs elderiniñ sankciyalıq qısımın sınğa alıp, älemdik twraqtılıqtı büldiruşi dep bağalağan. Resey lauazımdısı bwl mälimdemesin, bir kün bwrın Mäskeudegi Halıqaralıq qauipsizdik konferenciyası kezinde jasağan bolatın. Bwl turalı «Şinlañ» aqparattıq saytı habarladı.

Sergey Lavrov sözinde: «Batıs elderiniñ sankciyaları älemniñ twraqtılığına soqqı berude. Uaşington (Vaşington) bolsa öz principterin älemge tañuğa äreket etude. Batıs elderi özderin älemniñ jetekşisi sanap, halıqaralıq kelisimderdi qwrmettemey otır», – dedi. Ol jäne Sergey Skripaldıñ ölimine qatıstı halıqaralıq derbes zertteu jürgizui kerek ekenin alğa tartqan.

Bwrınğı reseylik barlau agentti Sergey Skripalğa himiyalıq şabuıl jasalğannan keyin, Wlıbritaniya bastağan Europa elderi men Qwrama Ştat Reseyge diplomatiyalıq qısım jasağan bolatın. Batıs pen Resey arası qiınday tüskende Mäskeu tarabı öziniñ körşi, strategiyalıq odaqtas jäne jaqtauşı elderiniñ Qorğanıs salasındağı ökilderdi Mäskeuge şaqırdı.

“The Qazaq Times”