رف ءسىم باسشىسى. فوتو: IRNA.

رەسەي ءسىم باسشىسى سەرگەي لاۆروۆ باتىس ەلدەرىنىڭ سانكتسيالىق قىسىمىن سىنعا الىپ، الەمدىك تۇراقتىلىقتى ءبۇلدىرۋشى دەپ باعالاعان. رەسەي لاۋازىمدىسى بۇل مالىمدەمەسىن، ءبىر كۇن بۇرىن ماسكەۋدەگى حالىقارالىق قاۋىپسىزدىك كونفەرەنتسياسى كەزىندە جاساعان بولاتىن. بۇل تۋرالى «شينلاڭ» اقپاراتتىق سايتى حابارلادى.

سەرگەي لاۆروۆ سوزىندە: «باتىس ەلدەرىنىڭ سانكتسيالارى الەمنىڭ تۇراقتىلىعىنا سوققى بەرۋدە. ۋاشينگتون (ۆاشينگتون) بولسا ءوز پرينتسيپتەرىن الەمگە تاڭۋعا ارەكەت ەتۋدە. باتىس ەلدەرى وزدەرىن الەمنىڭ جەتەكشىسى ساناپ، حالىقارالىق كەلىسىمدەردى قۇرمەتتەمەي وتىر»، – دەدى. ول جانە سەرگەي سكريپالدىڭ ولىمىنە قاتىستى حالىقارالىق دەربەس زەرتتەۋ جۇرگىزۋى كەرەك ەكەنىن العا تارتقان.

بۇرىنعى رەسەيلىك بارلاۋ اگەنتتى سەرگەي سكريپالعا حيميالىق شابۋىل جاسالعاننان كەيىن، ۇلىبريتانيا باستاعان ەۋروپا ەلدەرى مەن قۇراما شتات رەسەيگە ديپلوماتيالىق قىسىم جاساعان بولاتىن. باتىس پەن رەسەي اراسى قيىنداي تۇسكەندە ماسكەۋ تارابى ءوزىنىڭ كورشى، ستراتەگيالىق وداقتاس جانە جاقتاۋشى ەلدەرىنىڭ قورعانىس سالاسىنداعى وكىلدەردى ماسكەۋگە شاقىردى.

“The Qazaq Times”