Foto:QT.

Wlttıq jurnalistik zertteu ortalığı Almatı qalası Din isteri jönindegi basqarmasımen birlese otırıp, "Nwr Otan" partiyasınıñ qoldauımen jurnalister arasında bayqau jariyalaydı.

Bwl turalı bügin "Nwr Otan" partiyasınıñ Almatı qalalıq filialında jurnalisterge arnalğan baspasöz otırısında arnayı talqıladı. Jiın barısında söz alğan Almatı qalalıq Din isteri jönindegi basqarmasınıñ basşısı Aydar Rahımjanwlı, dinniñ özekti mäselelerine baylanıstı jurnalister arasında bayqau jariyalaytının habarladı. "Bayqaudıñ maqsatı ne?" degen swraqqa kelsek, qazir bükil el bolıp, qoğam bolıp bärimiz dini ekstremizm, radikalizm siyaqtı mäselelerge erekşe köñil bölip jatırmız. Onıñ üstine jurnalister qauımı da atsalısıp, ärtürli mäselelerge qatıstı aqparattar berip jatır. Desek te, jurnalisterdiñ belsendi bolıp, osı taqırıpqa qatıstı halıqqa oy salıp, köbirek dwrıs mälimet berulerin qamtamasız etu üşin bayqau wyımdastırudı jön kördik. Sebebi qazirgi kezde aqparat qwraldarınıñ röli öte zor" , -dedi.

Endi bayqau turalı aqparatqa keler bolsaq, Bayqau merzimi 2018 jıldıñ 1 säuiri men 1 qazanı aralığın qamtidı. Jeñimpazdardı marapattau 18 qazan — QR Ruhani kelisim küni merekesi küni qarsañında Almatı qalasında ötpek. Bayqau jüldesiniñ jalpı qorı — 1 000 000 teñge.

"Eldegi twraqtılıq pen qoğamdağı beybitşiliktiñ saqtap, bayandı etu üşin memleket tarapınan jüzege asırılıp jatqan birqatar is-şaralarğa qaramastan, soñğı uaqıtta keybir jastardıñ jat ağımdağı közqarastardıñ ıqpalına wşırap, ekstremistik äreketterge boy aldıruı bayqaluda. Öytkeni aşıq aqparat keñistigin öz maqsatına paydalanğan teris piğıldı ağımdar elimizdiñ aumağında da kezdesude. Sondıqtan osı bağıttağı kürestiñ negizgi tetigi — twrğındardıñ dini sauattılığın arttırıp, aqparattıq nasihattıq jwmıstardı küşeytu", - deydi Almatı qalalıq filialı qoğamdıq qabıldau böliminiñ jetekşisi Almajan Äskerbayqızı.

Foto:QT.

Biılğı bayqaudıñ ötken jılğı bayqaudan azdağan ayırmaşılığı bolmaq. Bıltır  kez kelgen jurnalist özderiniñ jwmıs orındarınan anıqtama qağazdarın alıp keluge mindettelgen. Sonımen qatar, jazğan maqalaları men rolikterin belgili bir orınğa äkelip tapsıru talap etilgen. Biıl osınıñ bärin jeñildetilgen. Sebebi, olardıñ barlığı elektrondı türde qabıldanadı. Sonımen qatar taqırıp auqımın keñeytilgen. "...Öytkeni, bıltır bizdiñ jobamızğa qalamgerler men ğalımdar atsalıssaq degen wsınıs tüskendikten, biıl jobanıñ ayasın keñeytip, oğan qalamgerler, publicister, ğalımdar jäne jurnalister de qatısuğa mümkindik aldı.Sonımen qatar, osı mäselege bwrınnan qalam terbep jürgen azamattardıñ bärine aşıq dep jariyalanuda. Bayqauğa qatıstı tağı bir mañızdı mäsele — dindi nasihattamau, kerisinşe aqparattandıru.  Kez kelgen qazaq jurnalisi qazirgi uaqıtta aqparattıq qamtamasız etu twrğısınan osı ekstremizm, radikalizm äselelerin talqılap jazıp, halıqtı ağartuda. Ülken qızmetter atqarıp jürgendikten olardı da ıntalandırıp qoyğan dwrıs. Sondıqtan bwl bayqau osı bağıtta tuındağan joba edi", - deydi  "Wlttıq jurnalistik zertteu ortalığı" basşısı Därmen Smayılov.

Bayqau tömendegidey birneşe nominaciyalar boyınşa jürgiziledi:

  • Eñ üzdik äleumettik rolik;
  • Eñ üzdik televiziyalıq bağdarlama;
  • Eñ üzdik radiobağdarlama;
  • Internet resurstağı qazaq tilindegi eñ üzdik maqala;
  • Internet resurstağı orıs tilindegi eñ üzdik maqala;
  • Merzimdi basılımdardağı qazaq tilindegi eñ üzdik maqala;
  • Merzimdi basılımdardağı orıs tilindegi eñ üzdik maqala;
  • Äleumettik jelililerdegi eñ belsendi qoljetimdi top;
  • Eñ belsendi bloger.

Bayqau şarttarı: Almatı qalasında tirkelgen nemese tilşiler qosını bar BAQ-tağı kez kelgen jurnalist, sonday-aq ğalım, kösemsözger, qalamger qatısa aladı. BAQ basşılığınıñ rwqsatı talap etilmeydi. Bayqau ek itilde ötedi. Bayqauğa 2018 jıldıñ 1 säuirinen bastap 1 qazan aralığında jariyalanğan materialdar qabıldanadı.

Bastı qoyılatın talap — Qazaqstannıñ zayırlı memlekettik qwrılımın qarapayım äri wğınıqtı tilmen tüsindiru, memlekettik sayasattıñ zañnamalıq talaptarın wğındıru, din atın jamılğan ekstremistik ağımdardı äşkereleu , dästür men dinniñ özara baylanısın jetkizu, dini ekstremizmniñ aldın alu, teris dini toptardıñ ideologiyası men olardıñ ziyandığın aşıp körsetu. \Qanday da bir dini wstanımdı nemese dindi nasihattauğa bağıttalğan materialdar qabıldanbaydı.

Bayqauğa qatısuşılar öz materialdarın Wyımdastıru komitetiniñ uzhzo2005@mail.ru elektrondı poştasına (baylanıs telefonı: 8 777 565 40 78) jibere aladı.

“The Qazaq Times”